Rayberê Şarê Kurd Abdullah Ocalano ke 15ê Sibata 1999î ra nata binê tecrîdêko girankerde de yo, 11ê Êlula 2016î ra nata ti xebere tira nîna girewtiş. Vera tecrîdo girankerde de kurdî bireaksîyon î û çalakîyê tewir bi tewirî yenî viraştiş. Nê çalakîyan ra yewe zî çalakîya grevê vêşanîye yê 4 hepsîyanê cinîyan a.
4 hepsîyê cinîyî ke Zîndanê Padaye yê Cinîyan yê Tarsûsî de yî, vera tecrîdo girankerde yê Rayberê Şarê Kurdî Abdullah Ocalanî de çalakîya grevê vêşanî de yî û çalakîya înan roja 26. de ya.
Hepsîyê bi nameyê Kanîa Agirmane, Songul Coşkune, Şîlan Çetînere û Fatma Berfe seba ke tecrîd bêro wedarnayîş û hêriş û dagîrkerîya Efrînî peynî bibo, çalakîye daybî destpêkerdiş û çalakîya înan dewam kena. Hepsîyan seba ke raya pêroyî de hesasîyet bivirazîyo veng dayî herkesî.
Wa vengê xo berz bikerî
Hepsîyan dîyar kerd ke ê seba ke her di waştişê înan bêrî qebulkerdiş, çalakîye de yî û wina dewam kerdî: “Ma 4 hepsîyî cok ra dest bi grevê vêşanîye kerdî. Wa dezgeyê mîyanneteweyî û raya pêroyî na babete de hesas têbigêrî û seba ke no zulm biqedîyo, vengê xo berz bikerî.”
JINNEWS / MÊRSÎN