Hepsîyê sîyasî ke zîndanan de yî, ewro dest bi grevê vêşanîye kenî. Ser nameyê hepsîyanê PKK û PAJKî Denîz Kayayî îzehetêko nuştekî da û dîyar kerd ke ê vera tecrîdo ke Rayberê Şarê Kurdî Abdullah Ocalanî ser o yeno domnayene de 27ê teşrîna peyêne ra dima seba 10 rojan kewen grevê vêşanîye.
Kayayî îzehetê xo de vato ‘Rayberîya ma nefes û ruhê azadîya ma ya’ û wina dewam kerdo: “Êdî no tecrîdo ke teberê merdimîye de yo rê sebrê ma nêmendo. Tena waştişêkê ma esto; o zî wedarnayîşê tecrîdî yo. Ma no proses de veng danî heme demokrat û kesê ke xo ra vanî ‘ez merdim a’, wa vera çalakîya ma de hesas bibî. Ma veng danî heme şarê xo ke wa dormeyê na çalakîye de bêrî pêser. Heta ke ma ra îzehet nêro, embazê ma do çalakîya xo bidomnî. ”
JINNEWS / AMED