Bi nameyê Burhan Karatayî de hepsîyêko nêweş ke 67 serrî bi û Zîndanê Tîpa E yê Gîresûnî de mendêne, qrîzê qelbî derbaz kerd û netîceyê qrîzî de wefat kerd. Ame musayene ke hepsî Karatay emrê xo ver xeylê nêweşîyê ci estbî û xeylê reyan seba ke serbest bêro veradayene muracatî ameyî kerdene, labelê muracatî hertim ameyî redkerdene.
Karatayo ke 3 serrî 10 aşmî yo ke bi hawayo tepişte yeno mehkemekerdene, doza ci dewam kena. Laj Îsmaîl Karatayî da zanayene ke pîyê ci 5 aşmî verê cû înan ra vato lazim o o anjîyo bibo, labelê îdareyê zîndanê destûr nêdayo ci. Reyna ame musayene ke Karatay de nêweşîyê tansîyonê berzî estbîyo û verê cû 4 reyî anjîyo bîyo.
Badê ke xebere resayî keyeyê Karatayî, keye seba ke cenazeya xo bigîro şi Gîresûn. Cenazeya Karatayî do Bazîd de bêro definkerdene. Ame dîyarkerdene ke mehkemeya Karatayî 17ê teşrîna peyêne de ya û Karatay verê cû Şaredarîya Bazîdî de endamîya meclîsî zî kerda.
MA / AGIRÎ