Endama Koordînasyona KJKî Sakîne Karakoçan seba weçînayişê 7’ê hezîranî qise kerd. 

Karakoçan dîyar kerd ke weçînayişê 7’ê hezîranî çarenuştişê Tirkîyayê do dîyar bikero û di no weçînayiş de ganî her kes HDPî ra hetkarî û ray bido. 

Karakoçan veng da û aşkera kerd ke ganî heme ciwan û heme ciyayîyan do partîya heme şaran HDPî ra rayê xo bidî.

Elewîyan ra veng da

Karakolan seba weçînayişê 7’ê hezîranî komeleya elewîyan ra veng û destnîşan kerd ke weçînayişê Tirkîyayê di Kurdistan û Rojhîlatê Mîyanê de roleke muhîm kaykenî, no weçînayiş, zey sewbî weçînayişê klasîk nîno şîrovekerdişî û taybetê di no weçînayişî de şarê kurd heme ferqan û bawerîyan ra veng dana û no ser zî ganî vîyartişê bendê heme hêzan do HDPî ra hetkarî bidê. 


 Tevgera Elewîyan

Karakoçan ciresna ke hetanê nika ser elewîyan polîtîkayê ciyakerdiş û terteleyê amey şuxulnayiş, no ser zî ganî elewîyan di no demî de rolê xo kay bikerî, a zî elewîya û hetanê nika Tevgera Azad de têkoşîn daya û wina vat: “Ganî elewîyan weş bivînê, hetanê nika Tevgera Azadîyê, zey tevgera elewîyê xebitya. Di no demî de taybetê hêrişan hîna zêdîyay, çi heyfo ke bi nameyê dînê heme zilm û zordarî ser şaran yenî şuxulnayiş û ganî seba zîhnîyeta faşîst û DAIŞ ra verpersdayiş her kes HDPî ra hetkarî bido.”


 CHP alternatîf nîyo

Karakoçan îzeh kerd ke Dêrsim ra hetanê Sêmsûr, Sêmsûr ra hetanê Pazarcixê elewîyan weş bivînî ke êdî xo ra CHP esasgirewtiş bêvate yo û ganî no feraset zî peynî bibo, çimkî di weçînayişê serekkomarî de namzedê CHPî Ekmeleddîn Îhsanogluyê nika namzedê MHP o, no raştî zî weş bêro vînayiş.


 Vengê xo bivejnê

Karakoçan ard vîr ke di kultira elewîyan de heqîqat ra şîyîş û agêrayişê cewherî est o, nika ona yew ravêreyeye est o ke elewîyan eşkenî bivajê ‘ma est î’ û elewîyan di Rojhîlatê Mîyanê de no şerê lêmin ra eşkenî bi rehetî bivajê êdî bes o û potansîyelê elewîyan zaf bi gird o. 


 Heme rayan HDPî ra

Karakoçan vat ke weçînayişê 7’ê hezîranî dijî heme nêheqîyan de serehewanayîşî yo û wina peynî kerd: “ Seba heqîqetî ra rayîrgirewtişî ganî di Rojhîlatê Mîyanê de no şerê lêmin peynî bibo, rayîrî no peynîbîyîşê şerî ra HDPî ra vîyareno, demê HDPî ra raydayişî yo. HDP partîya heme şaran a.”    


ANF/BEHDÎNAN