Gerîlayên HPG û YJA Starê di çarçoveya Pêngava Şoreşgerî ya Şehîd Bager û Şehîd Ronya de li Xakurkê çalakiyek kirin. Di encamê de 4 leşkerên Tirk hatin kuştin.
Navenda Ragihandin û Çapemeniyê ya HPG’ê têkildarî çalakiyên gerîla û êrişên dagirkeriyê daxuyaniyek weşand.
Daxuyanî wiha ye:
”18’ê Gulanê saet di 06:30’î de hêzên me li herêma Xakurkê ya Herêmên Parastinê yên Medyayê li dijî artêşa TC a dagirker a li ser Girê Şehîd Axîn di çarçoveya Pêngava Şoreşgerî ya Şehîd Bager û Şehîd Ronya de çalakiyek kirin. Gerîlayan ji 2 aliyan ve çalakî pêkanîn û derbên giran li leşkerên li ser gir û derdora gir xistin. Di vê çalakiyê de 4 leşkerên dijmin hatin kuştin. Piştî çalakiyê artêşa TC a dagirker bombardûman li herêmê kir. Yekîneya me ya çalakî kir bi rengekî serketî li baregehên xwe vegeriya.
Balafirên şer ên artêşa TC a dagirker êriş birin ser Herêmên Parastinê yên Medyayê. Di êrişê de Girên Şehîd Hozan û Şehîd Şahan, Girê Şehîd Kahraman û Girê Konit ên herêma Xakurkê, û qada Kanîsarkê ya herêma Zê bombardûman kirin.
Ji ber bombardûmanê tiştek bi hêzên me nehat.”
NAVENDA NÛÇEYAN