Akademîsyen Nurîye Gulmene û mamosta Semîh Ozakçayê ke seba ke karê xo peyser bigirî, kewtbî grevê vêşanî roja 78. ya grevî de ameybî tewpiştiş û dima ra ameybî tewqîfkerdiş. Vera tewqîfbîyayîşê Gulmene û Ozakçayî de xeylê reaksîyonî ameyî nawitiş.
Wezîrê Karê Zereyî Suleyman Soyluyî seba nê xoverdakaran vatbî ‘Endamê rêxistina terorî yê bi nameyê DHKP-C yî. Wenî û şimenî, dima ra roja bîne şonî cayê çalakîye’. Wezîrê Karê Teberî Mevlut Çavuşogluyî vatbî ‘Nê kesan bi hawayo baş nîşandayîş, çîyêko raşt nîyo’.
Wezîrî berpirsîyar î
Cinîya Ozakçayî Esra Ozakçaye derheqê nê vatişanê wezîran de ser hesabê xo yo Twîtterî ra cewab daye. Ozakçaye bi no hawa cewab da her di wezîran: “Ma Soylu û Çavuşogluyî ra pers kenî; gelo şima hakim î yan dozger î? Şima kam î ke vanî ‘ma eşkenî heme çî bîyarî sereyê Nurîye û Semîhî ser’. Nê vatişî yenî manaya hedefnîşandayîşê şexsan.
ANQARA