Hikûmeta AKP ya ke 15ê Tîrmeh ra na het Tirkîye û Kurdistan de OHAL îlan kerdo, bi Qerarnameyê Hukmê Qanûnî de çapemenîya azad xo rê hedef giroto. Heta nika bi dean qenalê televîzyon nû radyo ra pîya rojname û kovarî amey girotiş.
Dewlet nêşkena ma vindarno
Rojnameger û gurekarê tv’yan seba protestokerdişê hêrişanê verra medya Amed de destpa nûmayişa roniştişî kerdî. Rojnamegerê cenî ke nûmayiş de ca girotî aşkere kerdî ke iyê dê mîkrofon û kamerayanê xo nêverdê.
Ser çapemenî derbe ferz kenê
Muxabîra ÎMC Emgîhan Gulmez da ke nûmayiş de ca gêna da zonayen ke ê nûmayişa xo seba ke hêrişê ser çapemenîya azad bîrê vindernayen virazenê. Gulmez vist vîrî ke beno ke tv’yê înan amey giroten la ê ti wext kamera û mîkrofonanê xo ra fek nêviradanê û wina va: “Ma dê bi her şiklî bi şarê xo ra rastîyan bare bikerê, manîkerdişê dewlet nêşkenê ma vindarnê. 15ê Tirmehê û pey coy derbeya sivîl ser çapemenî ferz bî.
‘Emel birnayişê vengê şarî yo’
Rojnameger Kadrîye Uçar zî vist vîrî ke enê êrişî newe destpa nêkerdîye û wina dewam kerd: “Rîwalo ke tv’yê ma dewlet rexne kerdî û raştîyan bare kerdî, hetê dewlet amey vindernayen. Wazenê çapemenîya kurd û çapemenîya elewîyan bêveng bikerê. Weşanê ke raştîyan vanê gênê, la tv’yê fermî ke goreyê zîhnîyeta dewlet hereket kenê nêgênê. Na çalekî de rojnamegerê mûxalîf zî ca gênê û ma veng danê her kesî ke poştdayenî bidê nûmayişa ma.”
‘Netehamulîya ziwanê kurdî ya’
Rojnamegera Wan tv Hûlya Emeç zî da zonayen ke iyê dê nûmayişê bi tesîr virazê û aşkere kerd ke quweta rojnamegeran esta ke hêrişanê ser çapemenî vindarnê. Emeç vist vîrî ke iyê dê kuçeyan de nûmayişanê xo berzêr û hera bikerê û va: “Ma wazenê ke şar wayîrê vengê xo bivejyo. Nika tv ya ma ya heremî zî girotî. Nê hêrişî tehamulnêkerdişê ziwanê kurdî damûsnenê.
Wayîrê veng û raştîyan bivejyê
Muxabîra Hayat tv Serpîl Berk zî ard ziwan ke hikumet bi îlankerdişê
OHALî ra derbe viraşt û tîvarîya şarî nêmenda. Berk vist vîrî ke bi girotişê tv’yan şarî raştîyan ra dûr fînenê û va: “Bi Qerarnameyê Hukmê Qanûnî meclîsî zî çinî hesibnay û bi girotişê tv’yan zî wazenê raştîyan binimnê ke hêrişê ser gurekaran, ser hometî û ser emegdaran yê ke benê vêşî binimnê.” Serpîl Berk vist vîrî ke Hikumet wazena ke çapemenî bigîro bin qontrolê xo û va, ‘la ma ti wext nayî qebûl nêkenê. Berk veng da şarî ke wayîrê veng û raştîyan bivejyê.
AMED/JINHA