Kurdîstan de kerdişanê rewşa îstîsnayî ver, heme heqê demokratîkî girîyenî binê lingan. Netîceyê nêyî de rojnamegerê ke nê kerdişan kenî xebere benî hedefê dewlete. Nînan ra yew zî Rojnameger Oktay Candemîr o.
Candemîr 15 serrî yo ke herêma Serhedî de rojnamegerîye keno, serranê peyênan de hema vaje heme xeberanê ci rê tehqîqat abîyo. Candemîr nizdîyê serrêk zîndan de zî mend. Candemîr mîyanê 2 serranê peyênan de 24 reyî şi emnîyet de îfade da. Heta nika dozêk ra serrêk 6 aşmî ceza girewt û 4 dozê ci zî dewam kenî. Candemîr doza ke tira berat kerdo, fotografê ê doze ver reyna ci rê tehqîqat abi. Walî, parlamenter û Serekê Şaredarîya Tuşba xeylê reyan Candemîr gerre kerdî.
Demêk Candemîr ra persê ‘to çira Newroze de fotografê Ocalanî anto?’ ameyo perskerdene. Candemîr dîyar keno ke dozê ke ci rê abîyî, zafaneyê ci bi talîmatê burokratanê dewlete yê Wanî abîyî. Candemîr dano zanayene ke AKP û qayûmî bi rayîrê polîs û huqûqî hewl danî fealîyetanê rojnamegerîye asteng bikerî û ge-ge wextê taqîbê xeberan de polîsî ci tehdît kenî.
ANF / WAN