Kurdistan de şer her ke şono bi polîtîkayê AKPe hera beno, Meclîs de pêvînayîşê butçeya 2016’î de zî dest pê kerd. Yew hewte verî Komîsyonê Butçe Planî yê Meclîsî ra Qanûnê Butçeye ya Navende ameybî û roja çarşeme zî pêvînayîşê butçeye zî dest pê kerd. Goreyê Qanûnê butçeye ya Navende butçeya 2016’î tewro gird pere AKPe şerî ra cîya kerda. Goreyê par sazîyê şerî, butçeye ra hîna hera pere girewtî.
Butçeyê MÎT’î
Par butçeya Teşkîlatê Îstîxbaratî yê Neteweye (MÎT) 1 Mîlyar û 108 Mîlyon TL bî la emserr AKP butçeyê MÎT kerd 1 Mîlyar û 636 Mîlyon TL. Butçeya MÎT se ra 47.6 berz bî. AKPe butçeya Serekîya Karanê Dîyanetî zî berz kerd. Par butçeya na sazîye 5 Mîlyar û 750 hezar TL bî la emserre butçeya na sazîye zî seyî ra 12.8 berz bî û bî 6 Mîlyar û 5 mîlyon TL.
Butçeyê Erdogan’î
Par ‘Şîyîşo nimite’ xerîç butçeya serekkomarîye yanî Qesrê Erdoganî 397 Mîlyon TL bî la AKPe butçeya Qesrê Erdoganî zî seyî ra 9.3 hera kerd û goreyê no heraye zî butçeya Qesrê Erdoganî bî 434 Mîlyon û 96 Hezar TL bî. ESIL PERE SAZÎYÊ ŞERÎ RAButçeya 2016’î ra esil pereyê AKP sazîyê şerî ra cîya kerd. Çarçiweya konseptê xo AKPe Wezaretê Pawitişî ra 26 Mîlyar û 117 Mîlyon û 530 Hezar TL pere cîya kerd. Par butçeya Wezaretê Pawitişî 22 Mîlyar û 750 Mîlyon TL bî. Mudirîya Pêroyî ya Emnîyetî ra zî 20 Mîlyar û 253 Mîlyon, Fermandarîya Pêroyî ya Cendirmeyî ra 8 Mîlyar û 84 Mîlyon TL, Fermandarîya Ewleyî ya Qeraxî ra zî 575 Mîlyon û 512 Hezar TL pere cîya ame kerdiş. Musteşerîya Ewleyî û Duşteyê Pêroyî ra zî 19 Mîlyar û 962 Mîlyon TL pere ame cîyakerdiş.
Wezaretê Pawitişê Neteweye, Mudirîya Pêroyî ya Emnîyetî, Fermandarîya Pêroyî ya Cendirmeyî, Fermandarîya Ewleyî ya Qeraxî, Musteşerîya Ewleyî û Duşteyê Pêroyî zey sazîyê ewleyî yenî zanayîş. AKP nê sazîyan ra cîyakerdişê pereyî nîşan da ke 2016 Kurdistan şer hîna hera bibo û çarçiweya şerî sazîyê ewleyî AKPe pere cîya kerd. 7 sazîyê şerî ra AKP 76 Mîlyar û 654 Mîlyon û 303 Hezar TL pere cîya kerd.
AKP MGK vîr nêkerd
Hewna çarçiweya konseptê şerî AKPe butçeya Sektereterîya MGKe zî hera kerd û goreyê herakerdişî butçeya Sekreterîya MGKe bî 25 Mîlyon û 702 Hezar TL. AKPe Wezaretê Perwerdeyî ra tena 74 Mîlyar TL, Wezaretê Weşîye ra 3 Mîlyar TL û 457 Mîlyon û 521 Hezar TL, Sazîyê Nêweşxaneyê Pêroyî ra 11 Mîlyar 604 Mîlyon û 680 Hezar TL pereyî cîya kerd. Komîsyonê Butçe û Planî de pêvînayîşê butçeya 2016’î do hetanê 13’ê sibate bidomyo.
DÎHA/ENQERA