Zihnîyetê çeteyan qetlîamî virazeno
Dergahê Garîp Dede ra Pîr Celal Firat’î ciresna ke dezgeyê alewîyan nê hêrişan ra qerqizîyenî û wina va: “Rojhelatê Miyanî de, çeteyî bin nameyê îslamîyetî de serreyê însanan birnenî û qetlîam virazenê. Ewro zî zihnîyeto ke înan miqate keno, no hetî de qetlîaman virazeno.
Firat’î va: Tena sucê yê ke yenê qetilkerdiş, kurdbiyîn o. Homet verra vetişê ‘qedexe’yan bêveng manena. Lazim o herkes xo dekero hurendiya înan û verra zilmî vindero. Ma sey dezgeyê alewîyan, çi destê ma ra bêro ma dê eyî bikerî.”
Qîrayişê haşitî berg bikeme
Serokê Komeleya Kiltûrî yê Pîr Sultan Abdalî (PSAKD) Ganî Kaplan zî ard ziwan ke dewlet bi antişê karmendê xo nîşan dana ke welatijanê xo çimê xo ra vetî û wina dewam kerd: “Ma no bêvengîye fam nêkenî û semedo ke ma no bêvengîye hawanî, çi destê ma ra bêro ma do bikerî. Lazim o ma bêrî hetê yewbînan û vengê aştîye berz bikerî. Dewlet ewro zey kiştoxî hereket kena. Hewce yo ma zî no qîrayîşê aştîye vila bikerî.”
Hemserokê Komeleya Alewîyê Demokratîke yê Enqera (ADAD) Murat Işik’î zî dîyar kerd ke rîwalê herb-şerî şarê tirkîyeyî zî êdî ameyo qerifyayîşî ver û wina vat: “Ma nêşkenî şerî ra destûr bidî. Her roj merdimî mirenî û cenazeyî wedaryenî. Lazim o rayvistişê alewîyan vengekî berz bivejî. Lazim o ma semedê haşitî bikewê hereket.
DÎHA/ENQERA