Sabrîye Koçere 55 serrî, seba ke 9 domananê xo ra biewnîya, têkoşînêko gird daye. Koçere dormeyê xo de zaf yena heskerdene û nê rojan de seba lajê xo yê hepsî mîyanê têkoşînêko gird de ya. Çunke lajê aye Îbrahîm Koçer Çorlu de qeza derbaz kerd û herinda ke bêro tedawî kerdene, ame tewqîf kerdene. Îbrahîm erşawîya Hûmara 5î ya Zîndanê Sîlîvrî. Koçere dîyar kerde lajê aye bi îdîaya ke beşdarê çalakîya ke 2015 de Êlih de wextê qedexeyê tebervejîyayîşê kuçeyan de virazîya bîyo, ameyo tepiştene û va: "Domanê mi seba ke Çorlu de qeza derbaz kerd, la verê ke tedawîya ey biqedîyo, ey erşawitî zîndan. Seba lajê mi tedawî bibo ez xeylê nêweşxaneyan gêreya la înan lajê mi eşt zîndan. Vengê mi bieşnawê." JINNEWS/STENBOL