Bextwaştoxê ke seba ewleyîya xo fek mal û milkê xo ra veradayî û ameyî kampan de bica bîyî, hêrişanê artêşa tirkî ra xilas nêbenî. Bextwaştoxî hetê artêşa tirk û çeteyan ra yenî kiştiş, raştê îşkence û remnayîşî yenî. Heto bîn ra hetê artêşa tirkî ra plananê dagîrkerdişê herême de yenî xebetnayîş.
Çime û muxabîrê herêmî derheqê rewşa kampan de qisey kenî û dîyar kenî ke artêşa tirk û çeteyê ci mîyanê 50 rojanê peyênan de hêrişê bextwaştoxê ke kampê Ezaz, Bab û Cerablus de manenî kenî û seba dizdî, îşkence, tecawiz û sewbîna de nizdîyê bextwaştoxan benî.
Kampê ke raştê nê kerdişanê artêşa tirkî û çeteyanê ci yenî nê yî; Kampa Bextwaştoxan ya Etma, Kampa Bextwaştoxan ya Şemarînî, Kampa Bextwaştoxan ya El Nurî, û Kampa Bextwaştoxan ya Rubarî yî.
Goreyê muxabîr û çimeyanê herême bextwaştoxî nê kampan de raştê remnayîşê merdiman, dizdî, kiştiş, îşkence û sewbîna yenî. Reyna bextwaştoxê ke nê kampan de manenî vera YPG û YPJyî de yenî xebetnayîş. Dormeyê nê kampan hetê artêşa tirk û çeteyanê ci ra yenî bombekerdiş.
TOLÎN HESEN/ANHA/ŞEHBA