NECBÎR OSMAN-ÎSAM ABDULLAH / ANHA/QAMIŞLO
Kampê Newroze de humara malbatî resa 62 yê. Kamp de peynîya hêrişê dewleta Tirkî ya Efrînî ser o malbatêk koçî kerdî estê. 2 serrî ke bextwaştan wazenî keyeyanê xo rê biagêrî, xoverdayişê xo zî kampan de domnenê.
Ebdulqadêr Bîlal hêrişê dewleta Tirkî ser o Efrîn ra koç kerd. Efrîn ra Kobanê ra koçî kerd, peynî zî Serêkaniyê de sitar bî. Çi heyfo ke hêrişê dewleta Tirkî ser o nêçare kamp de cuyeno. Bîlal vat ke Serêkaniyê de nika rewşa înan rind a, Rayberîya Xoser heme îxtîyacê înan dona la ê wazenî biagêrî keyeyanê xo.
Bîlal dîyar kerd ke çi heyfo ke vera hêrişê Dewleta Tirkî pêroyina Mîyanêneteweyî bêveng o, sazîyê Mîyanêneteweyî tena hêrişan seyr kenê, no zî nîno qebulkerdiş.
Leyla Abdullah zî Kampa Newroze de maneno û a zî vat ke tersê hêrişê Dewleta Tirkî ser o nêçare koç kerdê, nika Kampê Newroze de rewşa înan rind a la ê wazenê hewna Efrînî ra biagêrî.
Rayberê Kampê Newroze Dîcle Mihemed zî dîyar kerd ke hêrişê dewleta Tirkî ser o zaf bextwaştoxî koçê Kampê Newroze kerdê, ê bi Heyva Sor a Kurd xebat kenê û hetanê peynî zî bextwaştoxan ra do hetkarî bidê.