Zey ke yeno zanayîş hezîrana 2015 de çarçiweya operasyonê hera yê YPG/YPJ de şaristanê Girê Sipî çeteyê DAIŞ ra ameybî pankkerdiş. Pêroyîya çeteyê demê operasyonî de Girê Sipî ra remayî û vîyartê qezaya Kanîya Xezalan ê Riha û dîmenê çeteyan zî ameybî weşankerdiş. Hetanê nika bîyayîşê çeteyê DAIŞ yê Kanîya Xezalan de rayedarê Tirkîya aşkerayeke nêdayî la bîyayîşê komê çeteyê Kanîya Xezalan de raştîyek o û hetê pêroyî ra zî yeno zanayîş.
Şewa adirbirnayişî de hêriş
Seba peynîkerdişê herbê 5 serran ke Sûrîya de qewimyeno, bi rayberîya DYA û Rûsya qerarê (bira) adirbirnayîşî ame dayîş û şewe ke no adirbirnayîş kewt merîyetî, yew Tirkîya ser di polî verba Girê Sipî bin kontrolê YPG/YPJ de yo, hêriş ame kerdiş. No hêriş hewna hemkarîya Tirkîya û çeteyan nîşan da. Roja ke hêriş dewam kerdinî ke serekkomar Erdogan aşkerayek da û vat ke: “Min embazê xo ra agahî girewto ke seyî ra 70 Til Ebyadî hetê DAIŞ ameyo girewtiş.” No vatişê Erdoganî nîşan dano ke çeteyê DAIŞ kura ra ferman gênî. Navenda Çapemenî ya YPG bi xo ciresna ke yewîna tirkî bi topbaranê çeteyan ra korîdorêk akerdî û bi no rayîrî çeteyî derbasê Girê Sipî bîyî.
ANF/RIHA