6ê teşrîna peyêne de vera Kampa Mexmurî de hêrişêko bombeyîn virazîya û netîceyê hêrişî de 5 endamê Yewîya Xopawitişê Cehwerî şehîd kewtî.
Babete ser o Fermandarîya Mexmur-Kerkûkî ya HPGyî îzehetêk daye û îzehetê xo de kesê ke şehîd kewtî, vîrardî û şarê Kurdistanî rê serweşî waşte. Îzehet de ame vatiş ke ‘ma do heta dalpeya peynî ya gonîya xo şarê xo bipawî’ û îzehet de veng dîya Miletê Yewbîyaye û Îdarekarê Bagdat û Hewlêrî rê.
Fermandarîye îzehetê xo de vato ‘6ê kanûna 2017î de saete 18.45 de vera Kampa Şehîd Rustem Cudî ya Mexmurî de hêrişêko bombeyîn virazîya’ û wina dewam kerde: “Netîceyê nê hêrişî de şerwanê qehremanî Botan (Cebraîl Asutay), Baz (Gokhan Kirboga), Çekdar (Muhammed Tekeş), Bager (Abdulkkadîr Gunay) û Devran Mardîn şehîd kewtî. Ma şexsê embazê xo Botan de heme embazanê xo rê rêze gênî û ma vanî wa serê şarê ma weş bibo.”
Zorşîyayîşê DAIŞî hezim nêkerdî
Fermandarîya HPGyî îzehetê xo de wina va: “No hêriş hetê hêzê ke zorşîyayîşê DAIŞî hezim nêkerdî ra ameyo kerdiş. Heme dinya zana ke Yewîya Xopawitişî ya Mexmurî vera çeteyanê DAIŞî de vindetêne. Vera xoverdayîşê Mexmur, Şengal û Kobanê de çeteyî şikîyayîşêko gird cuyayî. Hêzê ke nêyî hezim nêkerdî, 6ê teşrîna peyêne de hêrişê Mexmurî kerdî û no mîsîleme yo. Ma nê hêrişî sey hêrişê dagîrkerîya tirkî vînenî. Dewleta tirk ya faşîste hewl dana şarê Mexmurî esîr bigîro. Ma veng danî Miletê Yewbîyaye, Îdarekarê Hewlêr û Bagdatî kenî. Vera nê hêrişî de bêvengmendiş, dagîrkerîya tirkî rê xizmet keno. Ma yewna rey vanî ke ê do sernêkewî. Ma do heta dalpeya peyêne ya gonîya xo şarê xo bipawî. Ma sozê nêyî danî.”
ANF/MEXMUR