Dejê ya hîna teze yî
Nora Îbrahîm qalîkerdişê xo de ciresna ke vîr û dejê ya hîna teze yî û wina verdewam kerd: “Roja ke Sînemaya Amudê amey veşnayîş û domanî cuyayîşê xo vînî kerdî, heman roje mêrdeyê min zî cuyayîşê xo da. Aye roje ez keye de bîya, mêrdeyê min vejya teber. Hîna zaf wext sero nêvîyartbî, min qîrayîşekî seh kerd. Min tersan vero heme çilayî paday û ez vernîya paca de ronîşta. Aye roj sey qiyametî bî. Qîrayîşê merdiman Amudê ra vejyaynê teber. Cîranî min ra persaynê; ‘çewê to veşayîşê mîyan de esto?’ la ez mîyanê şokî de bîya. Bade semedê ke her kes şêro camîyan ra cenazeyê xo bigîro, anons ame kerdiş. Her kes mîyanê cenazeyan de cenazeyê domanê xo gêraynê. Zafê înan nêameynê naskerdiş.”
Waştîy ke bidî vîrîkerdiş
Nora Îbrahîm dergeyîya qalîkerdişê xo de bal ant ser nêdayîşê nameyê domanê ke amey qetilkerdiş û wina vat: “Aye wext xeylê derheqê babetî de vatiş ameynê vatiş û armancê nêy vatişan zî dayîşê vîrîkerdiş û limnayîşê hedîseyî bî. Rayna aye çax semedê Fransaye zî raporekî ame erşawitiş, la no hetî de çîyek nêame kerdiş. Şarê Amudêye dejê xo reyde rî bi rî ame veradayîş. Nameyê heme domanî ke cuya xo vînî kerdî heta nika nêameyo aşkerekerdiş. Tewr peynî nameyê 180 tenan aşkere kerdî, la raştîya xo de 300 ra vîşêr domanî amey qetilkerdiş.”
Herra înan firaz a
Nora Îbrahîm qalîkerdişê xo de veng da şarî ke wa qetlîaman xo vîra nêkî û wina peynî kerd: “Lazim o şarê ma fam biko ke qetlîyama Sînemaya Amudêye û çîyê ke eyro yenî cuyayîş yewbînan ra giredaye ya. Eyro zî dişmen hêrişê welatê ma keno, erdê ma talan keno. Semedê ke ma bişînbî dijî nêy zîhnîyetî bivindî, ganî ma têkoşînê xo bidomnî. Herre û ruhê êy ke rojê sîya û tarîye de şehîd kewtî her tim firaz o. Ma do her tim înan bîyarî vîrê xo.”