Êrişê întiharî şanê Hîrêşem de, nezdîyê firina Sala yê taxa Salihîye de virazîya. Êrişkar bi motorsîklet kewt şarê sivîlî miyan û xo teqna. Netîceyê êrişî de 2 cenî û 3 domanan ra pîya, 20 welatijan weşîya xo kerdî vinî. Eynî wext de, xeylê kesî zî bî dirbetinî.Welatijê dirbetinî hewadîyayî nêweşxaneyanê Wetenî û Hitmê.
3 rojî şênî îlan kerdî
Quwetanê Asayişî dest bi lêkolînî kerd. Meclîsa Şarî ê Hesekê badê êrişî, sûk de serva 3 rojan şênî îlan kerd. Kordînasyonê Xorayverînê Demokratîk ê Rojava zî, mesaja serweşî kerd vila. Kordînasyonî da zonayene ke rîwalê na komkişten û komkiştena Minbic bimbarekkerdişê roşanî betal kenê û iyê dê şirê ziyaretê keye û mezelanê şehîdan.
Heto bîn ra KONGRA GEL zî bi jû damûstayîn êriş lanet kerd. Damûstayîn de wazîya ke poştdayişê civakî bibo jêde.
ANHA/HESEKÊ