METÎN YOKSU / MA / ÊLIH
Bajarê Êlihî de viraştişê Barajê Ilisu dewam keno. Viraştişê barajî ver qezaya Heskîfî ke wayîrê tarîxêko 12 hezar serrî ya zî vînî bena. Barajo ke emrê ci 50 serrî yo ver, bajaro antîk game bi game yeno rijnayene. Çarçewaya xebatan de heta nika Turbeya Zeynelbeyî, Hemamê Artuklu û Turbeyê Îmam Abdullahî ameyî kiriştene. Xebatê kiriştişî yê Camîyê Sultan Suleymanî û El-Rizkî zî dewam kenî.
Bi ronîyayîşê vîncî, sîluetê bajarê tarîxî ver bi vînîbîyayîşî de yo. Her roje Koyê Ramanî de dînamîtî yenî teqnayene û zinarê ke ewja ra yenî bendê barajî de yenî bikar ardene. Nika berzîya bendî, resaya dêsê qeleye. Camîyê Sultan Suleymanî ke unîversîteyanê sifteyîne yê kurdan ra yo, kirişîyeno. Labelê derheqê ziraro ke wextê kiriştişî de virazîyayo de îzehet nîno dayene. Eynî çî seba Camîyê El-Rizkî zî derbazdar o.
Nînan ra texrîbato tewr zaf dêsanê qeleye de yenî cuyayene. Berzîya bendî ver Çemê Dîcle vînî bîyo û eke 50 serrî ra dima awe biancîyo zî, sîluetê bajarî nika ra xirab bîyo. Her ke bend reseno dêsanê qele, tarîx vînî beno.