Karayilanî da zonayen ke, ‘quwetê ke nika xo zey dûştê DAIŞ damûsnenê, wexto ke DAIŞ hêrişê Rojawa, Şengal, Mexmûr û Kerkuk kerd ê çinêbî û va, ‘nika ê quwetî operasyonê Musilî ser o qisey kenê û vanê ê vera DAIŞ ê.
Mûrat Karayilanî da zonayen ke dewleta tirk wazena Bakûr tesfiye bikero û winî dewam kerd: “Dewleta tirk wazena Rojava bifetisno û xo Musil de bi ca bikero. Bi sebebo ke heveyê cayanê Başûr de, eskerê dewleta tirk estê, Başûr binê qontrolê dewleta tirk de yo. Zey nimûne mintiqayê mabenê Dîyana û Xelîfan de, eskerê tirk estê. Wazenê xeylê cayanê bînan eskeranê xo bi ca bikero. Ma kay, aqil û psîkolojîyê dewleta tirk rind silasnenê. Stratejiyê dewleta tirk, Başûr zî mîyan de, vera heme kurdan o. Ma vera sîyasetê PDK ke vernîyê raya dewleta tirk akenê, şaş manenê.”
YBŞ û YJŞ wazenê heyfê xo bigîrê
Azayê Komîteyê Rayverîn ê PKK Murat Karayilan ard ziwan ke ê emel nêkenê ke Iraq destûr bido ke quwetê tirk tewrê operasyonê Musil bibê û va, ‘dewleta tirk bi vatena planê înan ê B û C estê, wazena îşgalkarînê xo fermî bikero.’ Karayilan'î aşkere kerd ke PKK bi qerarê kesî tewrê operasyonî nêbena û wina dewam kerd: “Ma goreyê qerarê kesî hereket nêkenê. Qandê (seba) tewrbîyayişî, lazimînê ma qerarê kesî çinîyo. PKK lejê vera DAIŞ de, wayirê tecrubeyê girdî yo. Ma wazenê tewrê operasyonê Musil bibê. Ma 3 serranê hetanî nika de, senî vera DAIŞ lej kerd, nika ra tepîya zî, hedreyê lej bikerê.”
Şarî pêşmergeyan qebûl nêkerd
Karayilan vatenê zey wa PKK Şengal ra vejiyo ser jî vat: Eno wastenê dewleta tirk o. PKK qandê menfatanê şarê Şengal û heme Kurdan wijayo. Ne wastenê şarê Şengal û ne jî şarê Başûrê Kurdistanî ê winayin çiniyo. PDK bi xo jî, ma ra çiyê nêvato. Xora Şengal de gerîla û pêşmergeyê kişta pêjewînde nê. Wija mesele çiniyo.” Karayilan'î vist vîrî ke wexto ke DAIŞ hêrişê Şengal kerd, PKK mudaxele kerd û aşkere kerd komkiştena Şengal ra 4 rojî dima, birêz Mesût Barzanî wast ke jû koma pêşmergeyan birişo gerîlayan het û ma ra yardim waşt. Heta o çax, şarê Şengal bîyayişê pêşmerge qebûl nêkerd, la belê ma qandê jûwîna netewî, înan îkna kerd.”
Wazenê zeîfîya xo binimnê
Karayilan'î derheqê siyasetê dewleta tirk, qirkerdişê siyasî, xespkerdişê şaredarîyan û girotişê TV û radyoyan de mesajê muhîmî day. Karayilan vist vîrî ke dewleta Tirk him êrişanê eskerî û him siyasî virazena. Karayilanî va dewleta tirk tersena ke Kurdistan o gird ronîyo û wina dewam kerd: “Coka bi nê hêrişan wazena Hereketê Azadî Bakur de marjînal bikero. Şoreşê Rojawa zey xeyrî meşrû bimûsno û çoşmeyê Başûr bigîro. Eynî wext de, wazena xeyalê Osmanijan ê destvistişê pêrokîn Rojhelatê Miyanên bîyaro ca.” Karayilan'î ard ziwan ke, dewleta tirk îşgalkarînê xo ê Kurdistanî de, wextê tew zeîfîn ra vêrena ra û va, ‘la belê wazena, bi êrişan serê zayifînê xo bigiro.’ Karayilanî xespkerdişê şaredarîyanê DBP ser o zî vat: “AKP qontrayê xo vistê dewre. Kesê qeyûmîye kenê, karê lîmin ê AKP kenê. Çinayê ci sîvîlbê zî, bi xo sîvîl niyê. Wa herkes bizano ke nê qontrayê AKP, hedefê gerîlayanê ma de yê.
NAVENDÊ XEBERAN