Gencekê 17 serrî M.Î. ke mîtîngekê Amedî de posterê Rayverê Şarê Kurd Abdullah Ocalanî hewada bi, derheqê ci de dawa abîyabî. Mahkeme hewadayîşê posterê Ocalanî çarçoveyê azadîyê fikrî de dî û genco ke behsê ci beno zî beraet kerd.
31'ê Tebaxa 2016’î de HDP Meydanê Îstasyonî yê Amedî de mîtîngekê bi nameyê “Derbe rê nê Demokrasî nika" viraştibi. Gencê 17 serrî M.Î no mitîngî de posterê Rayverê Şarê Ocalanî akerd. M.Î. ke derheqê ci de dawa abîya, badê girotişê îfadeyê ci serbest ame veradayen.
Îdianameyo ke hetê Serdozgerê Komare yê Amedî ra ame amadekerdiş de, bi îdiayê "Propagandaya rêxistine” kerdo, heta 5 serran ceza M.Î. ra ame waştiş.
Şîdet teşkîl nêkeno
Dawaya M.Î. Mahkemeya Cezayê Giran ê Domanan ya Amedî de amê vînayen. Roniştişê dawa de M.Î. sûcê derheqê xo de red kerd. Dozgerê roniştişî derheqê dawa de qerarê xo aşkere kerd. Dozgerî da zanayîş ke hewadayîşê posterê Ocalanî şîdet û cebîr teşkîl nêkeno û derheqê M.Î. de qerarê beraetî da.
DÎHABER/AMED