Serekê Odeya Muhendîsanê Elektîrîkî (EMO) Huseyîn Yeşîl, Endamê Heyetê Pêroyî û Serekê Şaxa EMO Mehmet Orakî semede hetkarîdayîş Hemserekê Şaredarîya Bajarê Girdî yê Amedî Firat Anli ziyaret kerd.
Huseyî Yeşîlî zîyaretî de qisey kerd û va “Ma qerar dayo ke kombîyayîşê Îdarekeranê Heyetê Pêroyî yê EMOî Amed de virazê. Aye ra ma Şaredarîya Bajarê Girdî ya Amedî ziyaret kerde. Semedo ke wa tay bo zî ma nişan bide ke destego manewî danê şima ma tîya de yê."
Hemserekê Şaredarîya Bajarê Girdî yê Amedî Firat Anliyî zî va “Zîyaretkerdişê şima za muhîm o. Semedo ke şima ma ziyaret kerd û desteg da ma, ma şima rê sipas kenê. No zîyaretê şima semedê ma moralêk o. Ez hêvî kena ke, ma do pîya nê rojanê zehmetinan dernaz bikê. "
AMED