Amed ra heyetêkê HDPyî keyeyê Engîn Eroglûyî yo ke Dêrsim de bîyo vînî, zîyaret kerd. Parlamentera Partîya Demokratîke ya Şaran (HDP) ya Amedî ra Semra Guzele, Hemsereka HDPyî ya bajarî Hulya Alokmene û endamê Meclîsê Partîye Ramazan Polatî ra heyetêk semedê Engîn Eroglûyî şi Dêrsim.
Heyetî pîya bi hemserekanê HDPyî yê Dêrsimî keyeyê Engîn Eroglûyî yo ke 15ê Hezîrane de gama ke dewa Yaylagunu ya Pulurî de heywanê xo çerênayêne vînî bi, zîyaret kerd. Dimayê zîyaretkerdişê keyeyê Eroglûyî heyet seba ke derheqê babete de zanayîş bigêro, şi cayê qewimîyayîşî. Hetê bînî ra cigêrayîşê Eroglûyî yo ke hewteyêk o yeno domnayene ekîbê şaredarîyanê Cizîr û Meletî û merkezê Dêrsimî ra xeylî hemwelatijî zî tewrê ci bîyî.
MA / DÊRSIM