Dezgeyê Heyva Sor a Kurdistanî keyepelê xo ser ro îzehetêko nuştekî dayo û bi wesîleya Roşanê Qurbanan kampanyayêk dayo dest pêkerdene. Îzehetê Heyva Sor a Kurdistanî wina yo: “Roşan yeno manaya parekerdişê dej û kederanê feqîran. Roşan kêfweşkerdişê domanê ke paweyê hetkarîye yî. Ma do emser heme qurbananê xo bierşawî efrînijê ke herêma Şehba de yî, yê ke hetê dewleta tirkî ra ameyî mexdur kerdene, mexdurê erdlerzî yê Kirmanşan û Serpêla Zehawî û mexdurê şerî yê Xûrmatû û Daquqî rê. Heqê qurbanêkê 150 Euro yo.” Yê ke hetkarîye bikerî, eşkenî keyepelê:http://www.heyvasor.com/tr/ kampanyaya-qurbane ra melumat bigîrî. ANF/BRUKSEL