Heyva Sor a Kurdistanî seba vilabîyayişê Vîrûsê Koronayî aşkerayêk da. Aşkera de ame vatiş ke ganî vera vilabîyayişê Vîrûsê Koronayî Rojawan û mintiqayê Surîyeya Rojawan û Vakûrî reyde piştîyewbînangirewtişî bêro kerdiş, Vîrûsê Koronayî nika Surîye, Lubnan, Urdun, Iraq û Tirkîya de bi lezî vila beno û no zî nîşan dano ke do no vîrûs Rojawanî de zî vila bibo. Rîsk zaf bi gird o Aşkera de ame destnîşan kerdiş ke Surîyeya Rojhelat û Vakûrî de bi sehezaran merdim nêçare koç kerdê, nê kesan nika kampan de manenê û wina ame vatiş: “Bi hezaran bextwaştox kampan de nêeşkenê vera Vîrûsê Koronayî xo bipawê, mintiqa de rîsk zaf bi gird o. Rayberîya Xoser, bi îlankerdişê qedexeyê tebervejyayişî tedbîro cidî girewt, rîyê şerî ser o çi heyfo ke nika mintiqa de sîstemê weşîye xetimyayo. Mintiqa de nika îxtîyacîya kelmelê pankî û cîhazê cifî lazim ê. Ma sey Heyva Sor a Kurdistan heme sazîyê mîyanêneteweyî ra vengê Rojawanî reyde piştîyewbînangirewtişî danê.” AMED