Ser bawanê mafya yew qisey esto. Vanî, “Bawê Mafya verê cû dano kiştiş dima ra zî şina mezelê eyê ser.”

Erdogan zî eynî hina yo. Enteb(Dîlok) de komkiştiş viraşt. Nîşanê di ciwananê kurdî de bin nameyê DAÎŞ de nêzdîye 60 Kurdî dayê kiştiş. Zafê înan tutî bî.  Dima ra pêronê dinya ra va biewnê DAÎŞ ma kişeno. Ser nayê zî şi kewt Rojava. Yanî hem kurdan kişeno. Hem zî ser kiştişê kurdan xo pak mojneno dinya. Vano, biewnê eleqê min o DAÎŞ çino. Ser nayê sedem virazeno û hina kewno welatê kurdan.

Nayî zî bes nîvîneno, eynî sey bawê mafya şina tazîye wayîrê ayê ke ameyê kiştiş. Erdogan hina felbazo. Dinya de kes sey Erdogan qetîlker çino.

La na raştî hol nîyena dîyayîş. Hele hele tayî estî çend qisey kurdî nusnenê nameyê xo kenî, roşnvîr. Vanî, ma aştî wazenî. Wexto ke dewleta dagîrker sey dewleta tirk hêrîşe şarê kurdî kena, komkiştiş virazena, bêveng manenî. Xo ancenî yew kişt. La wexto ke kurd hembere dagîrekr xoverdayîş kenî vanî, way zaf çîyê kewtibi destê şarê kurd, PKK şer kena, nê çîyê benî vîn. 

  Eşkera eşkera neyarêk sey dewleta tirk û Erdogan dest erzenî erd, namûs û pêronê erjayîyê înan, vanî yarrabî şukir. Tam teslîmê dewleta tirk û Erdoganî benî. La wexto ke Kurd xoverdayîş kenî, vanî şima zî sey ma teslîm bibenê.

Yewê înan zî Abdullah Keskîn o. Wayîre Weşanxanê Avesta yo. Dewleta Tirk kewta Rojavayê Kurdistanê o , dest esto erd û namûse kurdan, Abdullah Keskîn vano, rayîre sîyaset esto, tayî YPG teşwîqê şer kenî. 

 Yewe hinayîn xo sey roşnvîr zî vîneno. Aqil û hiş hina, aqil û hişe dagîrkeran o. Ayê hina qey yew sanîye zêdeyîr biciwîyê pêronê şarê kurd û Kurdistanê roşênî. Abdullah Keskîn zî hinayo. 

Abdullah Keskîn hembere dagîrkerîya dewleta tirk vindeno?

Ney. Abdullah Keskîn qey dagîrkerdişê Gilgamiş(Cereblus) yew qisey keno? Ney.

La wexto ke dor bêro şarê kurd û pêşengê şarê kurdî, beno şêrê dewleta tirk.  Sey faşîste tirkan qiseykeno. Abdullah Keskîn vano, ez roşnvîra. La ser Bawê Mafya Erdoganî qisey keno? Ney.

Vano, Erdoganî hina hina Enteb de tutê ma dayê kiştiş? Ney.

Vano, Erdogan seba ke bikewro Rojava bin nameyê DAÎŞ de no komkiştiş viraşto? Ney. La hêrîşe şarê kurd û tevgera azadî keno. 

No ruh, ruhe teslîmkaran o.

No ruh, ruhe merdî yo.

No ruh, bîyo ruhe tirk. 

Şarê kurd û têkoşerê şarê kurdî ,no ruhî hol şinaşnenî.

Zanî se bikerenê zî.