Dewleta tirk bi taybet ser Çewlîgî planan virazena. 

Qey cewhere Çewlîg yê Kurd(Kurmanc û Zaza) bidelno û bikero tirk, her tewir planan raverbena.

Nê derheqî de 2008 û 2009 de di plane dewleta tirkî, bi taybet yê AKP eşkere bibî.

Planê 2009 hem pêronê bî hem zî qey vejînayîş bî.

O planê de vatêne ke, gera kurdê kurmancî ra yew vajo kurd.

La kurdê kirdî(zaza) yew vajo zaza.

Hina propaganda bîyero kerdiş kî, kurdê kurmanc û kurdê zaza bîyerenê cîyakerdiş. Hina şarê kurd bîyero parçe parçe kerdiş, yewîyê şarê kurdî xirab bibo. 

Nameyê planê 2008 zî  bi tirkî “Bölücü Faaliyetlere Yönelik Eylem Planı“ bî. Humarê zî(No):”B054VLK4636001.870”. Ser belge de daxme Nimitî(GÎZLÎ) pêrodayî bî. 

Goreyê nê planê çend made hina bî

1-Mekteban de bi yeqinî kurdî(kurmancî û zazakî) perwerde nîyero dayîş

2-Bi taybet keynayê kurdan bi tirkî perwerdekerdiş

3-Tutê(qij,domam) kurdan ajankerdiş

4-Mektebê bira awankerdiş. Gera bi rayîrê mektebên bira tutê(domam) kurdan zaf bi plan bibêrênê Çanakkale, Afyon, Sakarya înan hetê. Uca de propagandaya tirkbîyayîşî kerdiş.

5-Bi rayîrê meleyan tutê kurdan ajan kerdiş û rêxistinkerdiş

Gore nê planê vejîya werti kî, AKP û dewleta tirk nika Çewlîg de xebatêk hina ramnena. 

AKP qey tutanê Çewlîg bikero tirk bi taybet yew plan viraşta.

Qey nê çîyê zî yew komal awan kerda.

Nameyê komalê bi tirkî “Yaşam Îçîn Sîvî Toplum Dernegî” ya.

AKP û dewleta tirk na komale de tayî melê zî wezîfedar kerdî. Gurî daya meleyan. Nê melê îhtîmalêk gird wezîfedarê MÎT’î yê. 

Nê melê keye keye gêrenê tutê şarê kurdî verê cû benê mektebê tirkan de qeyd kenî. Tena melê ney, muxtarî zî nê gurîyan kenî.

Melê. Dima ra zî nê tutan biberênê  Çanakkale, Enqere,Newşehîr û Stanbol. 

Bi taybet nê planê ser qezayê Dara Hênî(Genc) û Bongilan(Solhan) raverbenî. 

Gore nê planê ewro yanî 25 Gulane 50 tutê şarê Çewlîgî benî, Çanakkale, Enqere, Newşehîr û Stanbol.

Wexto ke ma ewnênê nê planê AKP û dewleta tirkî,qey kurdan qirbikerênê zaf doman(feq,deq û dolab) virazênê.

Eger doman nêvirazênê çira tutê(domam,qij,gedê) kurdan nêbênî cayê tarîxî yê Kurdîstanê.

Çira nêbenê Sarayê Xoşab, Bedenê Amedî, Batman-Çemê Xallan, Amed-Erxenî Şikeftê Hîlar(Çemê Kotê Bêr), Riha-Xiraw Reşk û Newala Çorî û Mêrdîn.

Eger AKP raştî cayê tarîxî mojnena tutê kurdan, AKP çira pê tanq û top û teyaran cayê tarîxî yê Kurdîstanê sey Camîya Qurşunlî, Mînareya Çar Ling, Hemamê Paşa û keyeyên tarîxî yê Amed, Nisêbîn û Cizîre Botan xirab kena.

Çewlîgijî tena bi ewnênê Amed, Nisêbîn û Cizîra Botan beso.

U çaxî baş zanî ke AKP û dewleta tirkî pê nîyeta xirab, tutanê(qij, domam) înan bena Çanakkale û Stanbol.

AKP hina kena, fikrê tirkbîyayîşê kena mezgê tutanê Çewlîgijan.

Înan kurdbîyayîş ra dûrî visnena.

Kena ajanê xo.

Dima ra kena neyarê baw û kalanê înan bixo.

Ma ti nê planê nêvînenî!

Ey Şarê Çewlîg!

Hîşyar bi.

Neyar tutê beno, keno tirk.

Hîşyar bi.

Neyar tutê beno, keno ajanê xo û keno ajanê MÎT’î.

Hîşyar bi.

Neyar tutê beno, keno neyare to.

Hîşyar bi.

Ey Şarê Çewlîg!