Wexto ke Şarê Kurd seba hêrîşe çeteyên DAÎŞê T.C û T.C yê ke ser Kobanê benê, wurza ser lingan serhildan kerd. Rîyê rastî ya Hîzbulkontra Hudapar vejîya werti.
Çeteyên Hîzbulkontra Huda-Par kiştê esker, polîs, MHP, BBP, çeteyên DAÎŞ’ê T.C, ÎBDA-C, SP û nîjadperêste Tirk de ca girewt û pê çekan û sîlehan hêrîşê Kurdan kerd.
Ser hêrîşe Hîzbulkontra û çeteyên Tirk yên bînan 36 welatparêze Kurd û yew şoreşgerê Tirk şehît kewt. Hîzbulkontra Huda-Par bi eşkere resmê şehîdanê Kurd vila kerd û vatêne hete ma ra ameyê kiştiş. Pê nayê pesnê xo zî denê. Hîzbulkontra Huda-Parijan qetîlkerîya xo zê qehremanî nîşandenê. Vatêne “Bi ewnêne ma ewqas çeteyên PKK kiştî”.
Raştî hinabî. La reyna Hîzbulkontra Huda-Par qêrîn û hawarî kena vana, endamê Hîzbulkontra Huda-Par ameyê kiştiş. Pêronê TV’yên Tirk zî çeteyên Hîzbulkontra Huda-Par benî û danê qisekerdiş. Ser nayê zî hemberê Kurdan şerê teybet kenî. Dima ra wazenê Kurdan û PKK zê sucdar bidêne nîşandayîş.
Ayê ke sucdarî çeteyên Hîzbulkontra Huda-Par û çeteyên bîn yê T.C û T.C wa.
Pîya hêrîş kenî ser Kurdan û Kurdan qetîl kenî. Wazênê ser ra zî xo heqdar nîşanbidenê.
Hem sucdarî hem zî heqdarbîyayîş beno! Ça de çîyo hina bîyo!
Ser nayê çend roj derbas nêbi, vejîya werti ke, AKP-MÎT, ÎBDA-C, SP, BBP, MHP, pêronê nîjadperêstên Tirkan û Hîzbul Kontra Huda-Par Mustazaf Cemîyetî ser Şarê Kurd yew planê qirkerdişê viraşta.
Qey û seba nayê 7 Cotmehê de bajarê Istanbol de taxê Çaxlayan de yew kombiyayîş viraşt o.
No kombîyayîş AKP û MÎTê Tirk organîzê kerdo.
Kombîyayîş de çetê DAÎŞ’ê Alî Osman Zor û Nazîf Keskîn, çetê Hîzbulkontra Huda-Par Mustazaf Cemîyetî Ehmed Çelîk, çetê MHP Huseyîn, yew çetê BBP qisey kerdo.
Çetê DAÎŞê Alî Osman Zor vano, “Pêşmerge Başûrê Kurdistan û PKK dişmenê ma yê şîrikê. MHP, Hîzbûlkontra Huda-Par Mustazaf Cemîyetî, MHP, BBP û nîjadperêste Tirk ayê bîn pêro yew hetê de ca genê. Xo ra Tirkê nîjadperêst û Erebê nîjadperêst yew hetê de ca genê. Kurd dişmenê ma yê şîrike. Gera ma pêro hemberê Kurdan şer bikerê. Seba nayê ma organîzasyon bivirazi. Ma hina şer danê destpêkerdiş. Tam wextê şerîyo”.
Peyêne kombiyayîş de hemberê Şarê Kurd yê çar parçe Kurdistanê sondê qisas girewtişê wenenê. Vanî, “Ya Homayo Cebbar!
Ya Homayo Qahhar!
Ya Homayo Munteqîm!
Seba qisasgirewtişê ma bikerê gurekar û wezîfêdar”.
No kombîyayîş û planê çeteyên DAÎŞ’ê T.C û Hîzbulkontra Huda-Parijan dima ra Kurdistan û Anatolîya de tam 36 Kurdê welatparêz û yew şoreşgerê Tirk hetê nê çeteyan ra ameyê kiştiş.
Çetê Hîzbulkontra Huda-Par Ehmed Çelîk qetîlkerdişê Kurdan îtîraf keno û vano, “Ma Batman de Emrah Demîr kişto. Beno reyadarê ma vajenê eleqe ma û DAÎŞ çîno. La ma pêro destek danê DAÎŞ’ê. Ma DAÎŞ’ê re hes kenê. Xo ra DAÎŞ de hevalê ma estî”.
Nê qisekerdişê dima ra yew Kurd tiya ra pê neşkeno vajo, “Hîzbulkontra Huda-Par Mustazaf Cemîyetî rêxistinek Kurd û Kurdistanê yo”. Neşkeno vajo,”birayê ma yê”. Neşkeno vajo, “birakûjî”. Kam hina vajo hîzmetkarê dişmenê yo.
Qet û qet eleqê Hîzbulkontra Huda-Par Mustazaf Cemîyetî Kurdan ra çîno.
Hîzbulkontra Hudap-Par Mustazaf Cemîyetî eşkerê vanê ez dişmenê Şarê Kurd û Kurdistanê yê.
Şarê Kurd gera na raştî bizan o û hemberê çeteyên Hîzbulkontra Huda-Par û çeteyên DAÎŞ’ê T.C xo bipawo.
Gera lez û bez bikero seba pawitişê xo û Kurdisanê.