Merdim çiqas xerc bikero nêbena kemî, zêdyena.Ma ewro awnenê dibistanêko estê û giredayê (MEB) Wezîrê Perwerdehî yê Netewîyî yê zehf zêdeyê la nê verniya xirabî û nê zî vernîya xiraban genê. Wexto name ti neteweyîtî pawanê xo ew perwerde nêbena perwerda asayî. Zanistî ti nêeşkenê bikerî netewî yî. Zanistî bi zanayiş bi îlm bena. Îlm zî civakiyo. Zey aw, ax, tîj û heway yê temamê gerdûniya.
Ewro merdim bala xo dano dibistananê dewlete ra, dibistana seratayî ra heta zanîngehan pêro tenê xizmetê netewperestî kenê. Eyro bi tekoşînê PKK înkariya kurdan û kêmnetewê ku yê Turkiya de cuyenê nîno kerdiş. La hema zî xizmetê nê dibistanan tenê semed nîjadperestiya. Perwerde bi mamostê zanistîye yena dayiş, an bêro dayiş ti eşkenê fehm û ferasetêk tera bigerê. Wexto mamoste bi armancê nîjad perestî bêro perwerde kerdiş, ti nê êşkenê yêra zanistî bigerê.
Sera di henzarande (2000-2001) şagirtanê zanîngehanê Turkiya zêdêrî şagirtê kurdan û rayhevalanê yine verpersê zanîngehan ra waşt bi ziwanê dayike perwerde bigerê. Waştekê xo nûştî destnîşan kerdî û day verpersanê zanîngehanê xo. Lazimbe verpersan bersîvê yine ya bi erênî, yan zî bi neyênî bidayê. Pêro semed na vaşteka însanî û zanistî û bi zanayiş nûşt pêro girewtî verpers.
Tay yinan ra zanîngehan ra vistî dûrî. Tay yinanra zî dekerdî girtigehan. Mafê wendişî yinera girewt.Serê dêsanê girtigehan de amewo nûşte yew dibistanêk des girtigehan nana pa. Her sere zî girtigehê newey virazyenê. Her girtigehe zî bi namê tîpêk (herfêk) yeno name kerdiş. Henî herfê elfabey namê girtigehan rê nêvecyenê. La her merdimêkê yene girewtiş dekenê girtigehan perwerde benê û teber de kar û xebatê merdimahiye kenê.
Her yew benê zanist. Her yew êşken ray û raybazan nîşanê cemaatî, civakî bidê. Girotoyê sîyasî ewna benê. Zerê yê çar dêsanê berzan de heq û neheqî mûsenê. Zanê siya û sipê senin o. Zanê zalimî senina mezlûmî senina.Eyro verpersê navçê Rezan Mudirê Perwedehî yê Netewîyî qet fedî nêkeno karê xo yê mamostetî cade verdeno karê (MÎT, JÎTEM) îstîhbaratê dewlet keno.
Namê şagirtan xirabî serde înternete de îlan keno. Perwerdehî vano kesayetî bibedelno. Bi na mêjî, bi nê perwerdehî û bi nê verpersan ka ez nêvan şima vacê dibistanêk senin des girtigehan panena. Homa aqil bido!
Nesip GULTEKÎN