Netîceyê nê êrişan de, homara kesê ke weşiya xo kerdî vinî resya 132 kesan. Bi desanê ci giran nezdiyê 400 kes zî bî dirbetinî. Pêrokîn qurbaneyê komkişten kesê sivîl ê. Dewleta Fransa zî bahdê na wehşet rewşê lezîn û alarm îlan kerd. Eynî wext de serva 3 rojan zî pêrokîn welat de şîn îlan kerd.
“Îxtimalê hêrişanê neweyî zî esto”
Heta bîn ra na wehşet bî sebebê hêrsê gird ê vera çeteyanê DAIŞ. Sernî de Awrupa, xeylê cayanê dinya de, komkişten amê lanet kerdin û kesê ke weşiya xo kerdî vinî amey yadkerdin. Hetê ra serva-qandê qurbanan merasimî viraziyenê, heto bîn ra sermiyanê dewlet yê Fransa serva tespîtkerdinê kamiya êrişkaran gureyînan ramenê. Serwezîrê Fransa Manuel Valls aşkere kerd ke, cayê plankerdin û rêxistinkerdinê êrişanê rojê îne, Suriye yo. Valls’î eynî wext de ard ziwan ke guman esto heveyê êrişê bînê vera Fransa û welatanê bîn ê Awrupa viraziyê.
Fransa Reqa de navendê DAİŞ hedef girot
No maben de, quwetê hewayî yê Fransa vera cayanê DAIŞ ê Reqa de, bi desan êrişî viraştî. Serwezîrê Fransa Manuel Valls derheqê operasyonî de aşkere kerd ke, iyê artêşa terorîstan hedef bigirê.
Heto bîn ra tespîtkerdina kamiya êrişkaran jî rameno. Dozgerê Parîs diyar kerd ke, înan kamiya didi êrişkaranê bîn zî tespît kerd o. La belê 8 êrişkarê ke tespît kerdê, înan ra hewna jew nêgirotiyayo û serva girotinê o kesî zî, şew û roj gurweyenê. Êrişkar o bi nameyê Saleh Abdel Salem, o ke 26 serrî yo, welatijê Belçîka yo. Pêrokîn welatanê Awrupa de, serva Salem bultenê sûr vejya.
PARÎS