AKP seba biçekerdişî rêxistinê ke binê banê Ocaxê Osmanîyan, Huda Par, Ocaxê Alperenan û MHP de ca gênî weçîna. Zey ke yeno zonayen endamê Hîzbulkontrayî nika yew bi yew serbest yenî veradayîş. Endamê Hîzbulkontrayî ke serbest yenî veradayîş, binê banê AKPyî de yenî rêxistinkerdiş. Ame musayîş ke mabênê AKP û Hîzbulkontra de pêameyîşê neweyî ameyî viraştiş û goreyê nê pêameyîşî hêzê Hîzbulkontra vera cematî de yenî xebetnayîş. Goreyê pêamayîşo ke mabênê AKP û Hîzbulkontra de ameyo viraştiş, hukmatî destûr dayo ke Hîzbulkontra seba faalîyetanê xo malîye hedre bikero. Seba hedrekerdişê malîyeya Hîzbulkontra, pere û mal û milkê ke cematî ra yeno girewtiş, teslîmê înan yeno kerdiş. Reyna Hîzbulkontra hewayo serbest do bişînbo cayo ke biwazo, uca de bin nameyê vergî, xeraç û bexş de pere kom bikero. 

Elewîtî zey îtiqad û kulturî qedexe yo

Pîrê îtiqatê elewîyan ke derheqê babed de qisey kerdî, vistî vîr ke bi operasyona Mûsilî ra polîtîkayê îxtîdar yê ser xeta mezhebî yê sunîyî aşkere bîya û hayr antî ser vengdayişanê biçekerdişî ser.  

Pîrê elewîyan Nûrettîn Aksoy o ke Çorûm de ciwîyeno, aşkere kerd ke pîrê elewî, hometa elewî pêrokînî rîwalê meseleya biçekerdişî bi şik û guman ê. Aksoyî îqaz kerd ke polîtîkayê ke Erdogan teber û zerreyê welatî de rameno, civakî kirêşeno hetê lejî û wina va: “Ganî îxtidara siyasî seba pêro îtîqadan xo kor û kerr nêkero, kesekê tenya zî bimano ey gandar bikero. La belê, Tirkîye de elewîtî zey îtiqadeke, kultureke qedexe û çinî yena hesibnayen.” 

‘Bingeyê lejî kenê hadre’ 

Nûrettîn Aksoyî hayr ant vengdayişê biçekerdişî û hêrişê dûştê civakanê bînî ser û aşkere kerd ke ti mordem û şaro ke wayirê aqil o ververîbîyayişî nêwazeno. Aksoyî vist vîrî ke zey hometa elewî iyê dê îtiqad û ameyişê xo bipawê û va, ‘ma her tim waştena haştîye kerd. Ti feydeyê lejê mezhebî çinîyo. Neyra tepya zî, bê ke bingeyê lejî ronîyo, ma dê bi şiklekê demokratîk û hiqûqî weşîya xo verdewam bikerê. 

Serokê Dergeha Pîr Garîpî Pîr Celal Firatî zî da zonayen ke polîtîkayê ke AKP û Erdogan rameno seba elewî û îtiqadê bînî meseleyê cidî teşkîl kenê. Firatî zî hayr ant babeda biçekerdişî ser û da zonayen ke badê polîtîkayê mezhebî yê eleqedarê bi Mûsilî ser û va, ‘ser medya ra vengdayişê biçekerdişî tesadufî nîyê.’ Pîr Firatî aşkere kerd ke ser hometa elewîyan kerdenê psîkolojîk estê û wina dewam kerd: “Seba ververîbîyayişî hometî polîtîkayî ramenê. Pirodayişan rê bingeyî kenê hadre. 

‘Ewleyîya ma çîna’

Serokê Dergeha Pîr Garîpî Pîr Celal Firatî aşkere kerd ke Tirkîye dewletanê bîn bi mezhebcitî sûcdar kena, la tewr vêşêr zî zerreyê Tirkîye de nayî ramena û wina va: “Dawaya  Ûgûr Kûrt amê vînayen.  Canê ma baxçeyê Cemxane de qetil kerdî. Eke bîyayişeke bi no rengî zerreyê camî de bibîyayba, do lejekê mîyanî vejyayîya. Hometa ma xo ewleyî de nêvînena. Wextanê peynî de şik û gumanê ma resyay merhaleyê tewr jorîn.Ma cîran, alwozanê xo ra tersenê. Her qadê weşîye de, otobus de, metrobus de şik û gumanê ma estê. Çike ma verî Çorûm de, Mereş de, Gazî de dî.  


 DÎHA / ENQERA