Merkezê Îrtîbatê Çapemenîye yê HPGyî (HPG-BÎM) îzehetêko nuştekî da û derheqê çalakîyê gerîlla û operasyonê dewleta tirkî de malumat da.
Îzeheto ke hetê HPG-BÎMî ra ame aşkerekerdiş wina yo:
“SILOPÎ: Roja 5ê gulane de artêşa tirkî qezaya Silopî ya Şirnexî ra girêdaye warê Bêspînî de bi beşdarbîyayîşê qoricî û kontrayan operasyonêk da destpêkerdiş. Eynî roje hêzê ma mintiqaya Girê Jehrê girewto binê hakimîya xo û çalakîyêk viraşto. Netîceyê çalakî de leşkerêk ameyo kiştiş û leşkerêk zî birîndar bîyo. Çalakî ra dima artêşa tirkî bi obus û hawanan herême bombe kerda. Leşkerê artêşa tirk eynî roje xo peyser antî, labelê tayê yewîyê xo bi hawayo nimite erazî de bica kerdî.
Heto bîn ra herêma Cudî ya Şirnexî de mintiqaya Bênavya de qoricîyê Gundikê Melê û Sêgirkê daristanî mîyan de daran birnenî.
ÇELÊ: Roja 6ê gulane saet 14.00 de hêzê ma vera Girê Koordîne ke girêdayeyê qezaya Çelê ya Colemêrgî ya de çalakîyêk viraştî. Netîceyê çalakî de radaro ke girî ser de bî, bi temamî ame îmhakerdiş, labelê hûmara merde û birîndaranê leşkeranê tirkî nêameya zelalkerdiş.
ŞEMZÎNAN: Roja 5ê gulane saet 07.20 de hêzanê ma vera leşkerê ke nîzamîyeya Çemêkurkê de yî de çalakîyêka sûîkastî viraştî. Netîceyê çalakî de hûmara merde û birîndaran nêameya zelalkerdiş.”
ANF/BEHDÎNAN