HPG'ê Sercerdevan Esat Faruk ê ku di 21'ê tîrmeha 2012'an de li gundê Nîsê yê Colemêrgê girtin li Herêma Federal a Kurdistanê teslîmî heyeta ji Serokê Şaxa ÎHD'ê yê Colemêrgê Îsmaîl Akbulut, Serokê Şaxa MAZLUM-DER'ê yê Colemêrgê Cengiz Şen û Parêzerê Buroya Colemêgê Erol Çalli kir. Piştî li herêma di bin kontrola HPG'ê de piştî îmzakirina protokolan Sercerdevan Esat Faruk teslîmî heyetê hate kirin.  Ji rayedarên HGP'ê Şahîn Andok û Umut Erdal protokol îmza kirin. Piştî îmzayan Sercerdevan Esat Faruk axivî û diyar kir ku HPG'iyan tu muameleyên xirab li wî nekirin. Serokê Şaxa ÎHD'ê yê Colemêrgê Îsmaîl Akbulut, Serokê Şaxa MAZLUM-DER'ê yê Colemêrgê Cengiz Şen jî bi kurtasî axivîn.

Piştî axaftinan heyetê Faruk wergirtin û ji herêma HPG'ê veqetiyan. Li bendêne ku heyet û sercerdevan Faruk ji Deriyê Sînor ê Xeburê bên Tirkiyeyê. 

DÎHA/HEWLÊR