Fermandarîya Eyaleta Dersima HPGe di vilaweke xo de wina vat: “Ma seba pawiyayişê nirx, awe, daristan, warê cuyayiş û axê şarê xo ser biryaran girewtî û ma nê biryarê xo zî şarê xo reyde pay kerdbî. Eke kesekê verba nê biryarê têbigerî do di heqê nê kesan de ceza bêro dayiş. Nê cezadayişê do ma şarê xo reyde pay bikerî. No ser zî ma nika kesekê verba nê biryarê têgerîyenî nameyê nê kesan aşkera kenî.”
Di vilaweka HPGe de kesekê seydwanîya mase kenî, keseke daristan birnenî û keseke îxaleya seydwanî ra beşdar bîyê, heme nameyê nê kesan aşkera yena dayiş û HPG vilaweke xo de wina dewam kerd: “Ganî nê kes û koman xebatê xo ra fek verabidî, çimkî bi rayan ma nê kesan hişyar kerdî. Nê vatişê ma tay kesan hişyarî yo, êdî fek nê xebatê xo ra verabidê se do bêrê efûkerdiş la tay kesan ra êdî dem nêmendo û tesilî bêro cezakerdiş û ma nê kesan ra seba terkkerdişê Dêrsime dem danî.”
NAVENDA XEBERAN