HPGyî nasnameyê 3 gerîlayanê YJA-Starî yê ke 21ê teşrîna peyêne de şehîd bîyî eşkera kerdî û ê bi rêzdarî yad kerdî.
Merkezê Îrtîbatî û Çapemenîye yê HPGyî nasnameyê 3 gerîlayanê YJA-Starî yê ke 21ê teşrîna peyêne de şehîd bîyî eşkera kerdî û ê bi rêzdarî yad kerdî.
Eşkerayîya HPGyî wina ya: “21ê teşrîna peyêne de hêrişê hewayî yê artêşa TCyî ya îşxalkere yê vera herêma Heftanînî ya Herêmanê Pawitişî yê Medya de 3 embazê ma şehîd kewtî. Zanayîşê derheqê embazanê ma yê ke şehîd bîyî de wina yê:
Nameyê Qodî: Bese Azer
Name û Peyname: Nurtene Atalay Cayê Bîyayîşî: Wan Maye û Pî: Aytene-Cemal
Tarîx û Cayê Şehadetî: 21ê Teşrîna Peyêna 2019î / Heftanîn
Nameyê Qodî: Çîçeke Kîçî
Name û Peyname: Gule Sakçak Cayê Bîyayîşî: Şirnex
Maye-Pî: Reyhane-Şerîf Tarîx û Cayê Şehadetî: 21ê Teşrîna Peyêna 2019î/Heftanîn
Nameyê Qodî: Sîyajine Devrîm
Name û Peyname: Hîlale Başak
Cayê Bîyayîşî: Şirnex Maye û Pî: Zehra-Mahmut
Tarîx û Cayê Şehadetî: 21ê Teşrîna Peyêna 2019î/Heftanînî
Embazê ma Bese, Çîçeke û Sîyajine seba ke verê qirkerdiş, çinkerdiş, teda û zulmê dewleta tirke yê vera Kurdîstanî bigêrê tewrê gerîlayan bibî. Embazanê ma cayanê cîyayan de pêro wezîfeyê ke partîya ma dayî înan bi hawayêkê temamî ardî ca. Têkoşînê înan û tewîrê cuya înan seba ma do bibê mîsalêk. Ma sere de keyeyanê ercayeyan ê şehîdanê ma rê pêro şarê Kurdîstanî yê welatperwerî rê serweşîye wazenê. Ma soz danê ke ma do têkoşînê şehîdanê xo bi serkewtişî tacîdar bikerê.”
ANF/BEHDÎNAN
Gerîlayê HPGyî Tekay ame definkerdene
Gerîlayê HPGyî Erdal Tekayo ke hîrêgoşeyê Amed, Mûş û Çewlîgî de şehîd kewt, cenazeya ci Goristanê Yenîkoyî yê Amedî de ameye definkerdene.
Gerîlayê HPGyî Erdal Tekayo ke pêkewtişê mabênê 7-8ê kanûne de herêma Şênê ya mabênê Amed, Çewlîg û Mûşî de şehîd kewt, cenazeya ci dimayê testê DNA ameye girewtene.
Merdimanê Tekayî cenazeya xo Meletî ra girewt berde Amed. Canezeya Tekayî ya ke binê ablûqaya polîsan de wecîbeyê ci yê dînî ameyî caardene binşewe hetê merdimanê ci ra Goristanê Yenîkoyî yê Amedî de ameye definkerdene. Polîsan destûr nêda ke bê merdimanê Tekayî kesê bînî tewrê merasîmê cenaze bibê. Semedê Tekayî Şînxaneyê Şaklatî yê Peyasî de tezîye ameye ronayene.
AMED