Rewşa Tirkîya her cayê dinya de nizdî ra yena şopnayîş. Derheqê rewşa Tirkîya de her ke şono reaksîyonê zere û teberê welatî de zî zêde benî. Seba ke merdim rewşa Tirkiya bivîno, mecbur nîyo ke Tirkîya de biciwîyo.Rêxistina Şopnayîşê Heqê Merdiman ya Mîyanneteweyî (HRW) îzehetêko nuştekî da û îzehetê xo de va ‘hukmat herêma Kurdistanî de bin nameyê “pawitiş”î de bi hawayêko bêhuqûqî hereket keno. Hukmat heqê awe û sewbîna çîyan şarî ra gêno. Şar nêeşkeno debara xo bikero. Hukmat merdiman ver de astengîyan roneno. Dewijê ke ma rê qisey kerdî, vanê ‘seba ke îdarekarê herême destûre nêdanî, ma nêeşkenê mal û mehsulanê xo herêma Şengalî de biroşî.’
Êzidî wa biagêrî
Hetkara Mudirîya Masaya Rojhelato Mîyanên (HRW) Lama Fakîhe zî va: “Şengal ra nata îtxalat û îxracat yeno astengkerdiş. Ganî îdarekarê herême, seba ke bi se hezaran şarê êzidî biagêrî keyeyanê xo, hetkarî û xebate bikerî. Seba ke şarê êzidî biagêro Şengal, ganî îmkanî bêrî awankerdiş.”Milletê Yewbîyayeyî hêrişê ke Çeteyê DAIŞî êzidîyan ser de kerdî sey ‘teşebbusê qirkerdişî’ vînaye û muracatê Mehkemeya Ceza ya Mîyanneteweyî kerdî.
STENBOL