Çend rojî verê hete Hêzê Sûrîyeya Demokratîke (HSD) ra Merhaleyo 3. yê Hemleya Xezebê Firatî amebî destpêkerdiş. HSDyî çarçeweya na hemle de heta nika 4 dewî azad kerdî û nizdîyê 18 km zî aver şîbî.
Şaro ke şerî ver mecbûr mendbî ke dewê xo biteriknî, badê ke HSDyî dewan xelesna û mayînê ke amebî ronayîş pak kerd, agêrenî dewanê xo.Temsîlkarê HSDyî wextê îlankerdişê merhaleyo 3. yê hemle de qisey kerdbî û vatbî ‘ma do bi na hemle dormeyê bajarê Reqqa bigirî û hewl bidî bajarî azad bikerî. Babete ser o kesê ke dewa Birduxane ronîşenî qisey kerdî.
Bawerîya ma bi HSD esta
Bi nameyê Evdilayî de kesêk kêfweşîya xo bi nê vatişan ard ziwan: “Ma bawer kenî ke HSD do demêko nizdî de ma biresno Reqqa.” Eynî dewe ra ciwanêk qisey kerd û va: “Wexto ke çeteyî ameyî dewe, çîyêko reya sifteyîne kerdî, çarşefo sîya bi cinîyan dayî xoradayîş. Çeteyan seba ke sîvîlan qetil bikerî, mayînan bica kerdî.”
Şerwanê HSDyî Beşar Şawakayo ke Hemleya Xezebê Firatî de ca gêno zî wina va: “Roja ke merhaleyo 3. dest pêkerdo ra nata ma 3 dewî azad kerdî. Ma do bi hawayo serkewte hemle biqedênî.”
REQA