Rewşa OHALî de bedilnayîşê qanûno bingeyî yeno kerdiş. Avûkat Necetî Çeledîrî rewşa OHALî de şîyayîşê referandûmî girewt dest û qala demokrasîya Tirkîya kerd.
Çeledîrî qiseykerdişê xo de wina va: “Bi bedilnayîşî de yeno hedefkerdişi ke îdare, hukm û heme selahîyetî destê kesêk de kom bibî. Na rewşe demokrasî de çin a. Cok ra ganî ma vajî nê. Vatişê nêyî heqêko demokratîk o. Tirkîya de zaf kesî vanî nê. Ganî bedilnayîşî bi pêvînayîşê 4 partîyê ke meclîs de yî, komel û şaran bibî. Merdim vano qey qet problem çin o, rewşa îstîsnayî de bedilnayîşê qanûno bingeyî beno. Bedilnayîşê qanûno bingeyî ser o ganî tewr kêmî serrêk bêro munaqeşekerdiş. Bedilnayîş bi hawayo lez û bez nêbeno.”
Mîyanê şarî de problem çin o
Çeledirî qiseykerdişê xo wina qedêna: “Ewil seba kurdan qala xoserî ameyêne kerdiş. Dima ra îdare ver bi merkezî şî. Ti cayê dinya de hende pelçiqnayîşê heqan û çinkerdişê erjan nêbîyo. Na rewşe tena kurdan de esta.
QERS