Hûmara 172. ya Newaya Jinî ya ke roportajêkê Leyla Guvene tede ameyo weşanayene, giranîye daya dewaya cinîyanê ke vera hêrişan de xo pawito. Babetê şorişê Rojawanî, zanistî, ekolojî, îdareyo demokratîk ra heta rojeva Ewropa û dinya xeylî babetî na hûmare de estê.
Xoverdayoxa grevê vêşanîye Leyla Guvene Fîgen Ektî dir qisey kerde û röportaj de ca dîyayo xeylê çîyan. Muxabîranê Jin Newsî ra Habîbe Erene û Melîke Aydine derheqê hêrişê çetin û zayendîyan de xeber-dosya amade kerde.
Zerya Gule babeta Şorişê Rojawanî ercnaye û bale ante muhîmîya şorişê cimatkî, kulturkî, zanistî, felsefîkî û zihnîyetî ser. Hûmara Temmuze de roportajêko taybet ameyo weşanayene. Fermandaranê FARCî ra Tanja Nijmeire Zîlan Dîyare û Eylem Tolhildane rê qisey kerdo.
Xeylê babetê muhîmî ca gênî
Rojnamevane Heval Aslane zî weçînitişê Parlamentoyê Ewropa ser o vindeta. Rojnamevane Sûna Tûnçe zî rojeva Îranî û Rojhelatê Kurdistanî rîpelê Kurdkî de şîrove kerd. Hemşaredara Cizîre Berîvan Kûtlû îdareyanê xoserîyan de rolê şaredarîyan ercna. Derheqê Barajê Ilisû de dosyayêk ameya amadekerdene. Rîpelanê zanistîye de Ozlem Yavûze û Gonul Erdogane, rîpelê cimatî de zî Axîn Vîyane vînayîşê xo pare kerdî.n ANF / BRUKSEL