Rojnameyê Newaya Jinî ke aşme de reyêk vejîyeno, hûmara aye 171. vejîya. Hûmara neweyî ya rojnameyî bi manşetê ‘Xoverdayîşê dolbentspîyan qalikê faşîzmî şikna’ vejîya û na hûmare de rojnameyî giranîya xo dayo xoverdayîşê dayîkan ser.
Rojnamegere û nuştoxe Denîz Bîlgîne xoverdayîşê dayîkan ser o nuşto û dîyar kerdo ke raştîya dayîkan cografyaya Kurdîstanî de bîya temsîlîyetê heqîqete. Çarçel Engîzeke eynî babete ser o nuşto û dîyar kerdo ke ilm, felsefe û erjê merdimîye yê ewroyînî bi hezar serran verê hetê dayîkan ra ameyo nuştene. Munevver Azîzogluye bale anto dezgeyê dewlete ke bîyî mekanîzmayê şîddetî ser.
Zerya Gule derheqê Zeynep Kinaci û Sema Yuce de, Sara Aktaşe derheqê şîddet û îstîsmarê cînselî de nuşto. Rojda Yildirime derheqê serewedarnayîşê şarê Sudanî de nuşteyêk nuşto. Dilar Dîrîke derheqê têkoşînê cinîyanê Hîndîstanî de nuşto. Hepsîya bi nameyê Ruhşan Bozane derheqê tarzê Jineolojîyî de, Nujîyan Zele nuşteyêko vîrardişî nuşto. Rîpelanê Kurdî de zî Bêrî Bihare, Ruken Ehmede û Roza Merdîne meqaleyî nuştî.
JINNEWS / AMED