Hûmara neweyî ya Newaya Jinî vejîyaye

Rojnameyê Newaya Jinî ke aşme de reyêk vejîyeno, hûmara ci ya aşma Êlule ya zî bi manşetê ‘Dinya aştîya xo gêrena’ vejîyaye. Hûmara 174. ya Newaya Jinî zî bi muhtewayêka dewlemend vejîyaya.

Na hûmare de şerê Rojhelatê Mîyanênî û dinya yeno vîrardene û vera naye de bale ancîyena xoverdayîşê cinîyan û şaran ser. Bi wesîleya 1ê Êlule Roja Aştîye ya Dinya derheqê çareserîya meselaya Kurdan de bi hemsereka Konseyê Caardişî yê KCKyî Besê Hozate de roportajêk ameyo viraştene.  Rojnamere Hacer Altinsoye derheqê hewldayîşê aştîye yê cinîyan de dosyayêka cigêrayîşî amade kerda. Nuştoxanê rojnameyî ra Nazan Ustundage kitabê ‘Dîyalogê Awankerdişê Cuya Azade’ yo ke fîkiranê Rayberê Şarê Kurdî Abdullah Ocalanî gêno dest, dana naskerdene. Nuştoxe Gonul Kaya û rojnamegere Gulîstan Çîya zî kampanyaya Tevgerê Cinîyanê Kurdîstan-Ewropa (TJK-E) ya ‘Seba vurîyayîşî û azadîye ti zî wirze payan ser‘ ercnenê.

BRUKSEL