Vîrusê Korona yo ke aşma kanûne de şaristanê Wuhanî yê Çînî de vejîya werte pêro Dinya de vila beno. Rêxistina Weşîye ya Dinya (WHO) derheqê vilabîyayîşê vîrusî de tersa xo pare kerd û îfade kerd ke hewteyo ke bêro de hûmara qurbanan do zêdêr bibo.
Goreyê doneyanê Unîversîteya John Hopkinsî heta şewa çarşemeyî pêro dinya de en tay 926 hezar kesî 187 welatan de pê vîrusî kewtî. Hetê hûmara nêweşan ra Amerîka rêza yewine de ya. Amerîka de 209 hezar kesê pê vîrusî kewtê. Îtalya de tewr tay 120 hezar û 500 kesê, Îspanya de 102 hezar kesî, Çîn de 82 hezar û 300 kesî, Almanya de tewr tay 80 hezar û 500 kesî, Fransa de 60 hezar û 700 kesê, Îran de tewr tay 60 hezar û 600 kesê, Brîtanya de tewr tay 40 hezar kesê û Tirkîya de zî 25 hezar kesê pê vîrusê Korona kewtê.
Hûmara merdimanê ke vîrusê Korona ra merdî pêro dinya de 60 hezar kesê derbas kerd. Têna mabênê 24 saetanê peyênan de goreyê doneyanê fermîyan nêzdîyê 10 hezar kes merdê û 100 hezar kesê pê vîrusî kewtî. Mabênê 24 saetanê peyênan de tewr zaf DYA de vîrusî gan girewt. AMED