Hemserekê Komeleya Elewîyê Demokratîke (DAD) Selda Guneşe, Musa Kulu û endamê heyetê îdareyî Dêrsim de şîyî Zîyara Ana Fatma ser û ewja de nîyaz vila kerdî. Badê ke loqmeyî ameyî vilakerdiş, Guneşe qiseykerdişêk kerde û wina va: “Ma ewro huzurê Ana Fatma de yî. Ma wazenî wa erdê ma de aştî û biratîye bibî. Tîya zîyarê ke bi nameyê cinîye mendî ra yew o. Yew zî Gurgum de Zîyara Elîf Ana ya. Labelê çi heyf ke Ana Fatma zî awa xo ma ser o birnaya.” Guneşe qiseykerdişê xo wina domnaye: “Merdim zî parçeyê nêyî yo. Wa dest nêdî awa ma û destanê xo zîyaranê ma ra biancî. Nê cayî seba ma pîroz î.” PÎRHA/DÊRSIM