Îdlîb cayê kayê tîyatroyî nîyo

SELWA ABDULREHMAN / ANHA/MINBIC

Bi hetkarîya Rusya, qewetê rejîmê Surîyeye operasyonê lejkerî domnenê, Îdlîb nika binê îşxalê Dewleta Tirk û çeteyanê ci de yo, çi heyfo faturayê şerî şarê sivîlî ra yeno vetiş. Şar ra heme çeteyanê Dewleta Tirk teda kenî hem zî qewetê rejîmê Surîyeye zilm kenî.

Bextwaştoxê îdlibijî ver xo dayê mintiqaya Surîyeya Rojhelat û Vakûrî, Ehmed Suleyman Îdlîb ra nêçare koç kerd, rayîr de zî 15 serra domanê xo vînî kerd.

Ehmed Suleyman vat ke Îdlîb de heme mal û milkê ci tarûmar bîyo û wina vat: “Ma hem rîyê çeteyanê Dewleta Tirk hem zî hêrişê qewetê rejîmê Surîyeye ser o nêçare koç kerd. Nika Îdlîb bîyo cayê kayê tîyatroyî yê Tirkîyaye, mintiqaya ma rejîmî ra roşenê.”

Çew vengê ma nêhesîyeno

Suleyman dest nîşan kerd ke qet sucê înan çînîbîyo la maruzê teda û zilmê merdimîyeyî mendê û wina dewam kerd: “Çew vengê ma nêhesîyeno, peynîya hêrişê qewetê rejîmê Surîyeye zaf banî rijyayî. Binê banan de vengê domanan hema zî hesîyena la destê ma ra çik nîno. Çi heyfo ke gonê ma ser bazarî yeno kerdiş, keyeyanê ma roşenê.”