6ê çele de 3 qanûnê newe rojnameya fermî de ameyî weşînayîş, badê weşînayîşê 3 qeraran 631 akademîsyenê ke îmze eştbî belavokê aşitî bi qerarnameyê qanûno bingeyî (KHK) gure ra ameyî îhrackerdiş. Goreyê qanûno 679e Universîteya Munzurî ra 10 akademîsyenî ameyî îhrackerdiş.
Babete ser o akademîsyenê Beşa Sosyolojîyî Emîne Sevîme qisey kerde.
Her ke şono neheqî zêdse beno
Emîne Sevîme qiseykerdişê xo de va ‘ma benê şahidê tewfîqkerdiş, îhraçkediş, qefelnayîş û îhlalê heqan’ û wina domnaye: “Kemalîstî wextê xo de sey îcratanê AKPyî kerdî û partîyê ke sîyasal îslam pawênenî zî sey înan kenî. La mabenê înan de cîyayê ke esta. Kemalîstî sere de bi şîddet hêrişan kenî dewre, dima ra zî xo nerm kenî. Labelê AKP verpayê na ya. Sere de nerm o, dima ra hêrişkar beno û rîyê xo yê raştîn nawêneno.”
Alternatîf çina
Emîneye qiseykerdişê de va ‘ma prosesê xirab de gureyê xo ser de bîyî, la kesê ke cuyê xo vîn kerdbî estbî’ û wina qedênaye: “Ma eşkenî teberê Universîteyan de zî xebatan bikerî. Ganî her kes bikewo çalakîyan û yewbînan birêxistin bikero. Vîşêrê yewbîyaye ti alternatîfê ma çin a.”
DÊRSIM