Rojevîn ke bi vatişê ‘Gever do bibo sûka cenîyan û her kes do biherikîyo weyra’ beşdarê YPS-JIN bena û vernîya ke şehîd bikewo vana ‘Ger ke yew roje ez bimira, wexto ke şima qala min bikerî, bivajê; ‘Rojevîn îlaheyêke aşiqê xoverdayîşî û melodîyêke seba Rayberîye bî”.
Rojevîn serra 1989’î de qezaya Tetwanî ya Bedlîsî de yena dinya û zaf rayan embazanê xo ra vatbî ke aye wazena şêra Gever û weyra de bicuya. Badê senî ke dijî Gever hêrişî dest pê kerd Rojevîn bê şik verê xo da Gever û seba şîyîşê xo zê wina vatbî: “Ez seba têkoşînê cenî tacîdar bikera, ameya Gever. Gever do bibo şaristanê cenîyan û her kes biherikîyo weyra. Ma zî do bibî rayberê no. Siba roje ma do şêrî û ma dima do têkoşînêko gird a cenîyan û paradîgmaya Rayberîye bimana.” Rojevîn bi girêdayîşêko gird Geverî ra girêdaye bî û bi şewe û roj taxê xoverdayîşî de xo ver da û bi vatişê ‘Embaz hewn merg o’ vîra embazanê xo de mend.
‘Xoverdayiş bê sînor o’
Wexto ke aye reyde roportaj yeno kerdiş, aye kewna mîyanê heyecanî û vana: “Şarê kurdî aşiqê Rayberîya xo yo. No xoverdayîş bê sînor o; heskerdişê Gever’î, heskerdişê xoverdayîşî yo. Cenî eşkena cenîye azad bikero. Mêrdeyê ke cenî keno kole, nêşkeno azad bikero. YPS û YPS-JIN şert o. No semedî ra tîya de bîyîşê ma seba min rûmet o.” Rojevîn tewr peynî bi deyîra ‘Benîm meskenîm daglardir (Cayê min ko yî)’ ma ra xatir waşt û vengê xo verada gerdûnî.
DÎHA/COLEMERG