Çomak serra 1994 bi îdîayê azabîyena rêxistina terorî ame giroten û 22 serriyê Çomakî bê sûc û bê gune zerre de vîyertî. Verîya roniştişê dawayê nuştox Îlhan Çomakî xelyek edebîyatkaran semedê serbestiyê ey veng day. Vengdayiş de bi nê vatişan nêheqiyê ke Çomak bîyo ardiza zûn:
22 wisarî vîyertî
“O yew şaîr o. Nameyê ey Îlhan Çomak o. 19 serrê kewt guretxane emser wisar bi 43 serre. 22 wisaro kê ho zerre de. 22 serrî yo ho mekmema ben. 22 wisarî yene maneya 22 serran! Waxto ke o tepêşîya, qijê ke bî, inkê 22 serrî yê. 22 serr! Vatîşê ci rehet o. Nayî gerek kes ey ra perskero.. 22 serr çend roj, çend aşm, çend demserr, dinya çend duyerîm gerena.. Yew dar çend duyerîm pel kena war, çend duyerîm vil kena a. Yew merdim çend duyerim berê xo ken a, çend duyerim, çila fînen tiye û ken hûna, çend bajar geren, çend ban bedilnen, çend qijan ken pîl. Ey 22 serrran xelyek şîîrî nuştî, 4 kitabe ci veciyay, ey 5. ho riyez do.
Bi sebebo ke sînorê tepiştişê 5 serrî yo dawayanê sey Ergenekon û Balyoz ra xelyek kesî serbest veradiyay. La Îlhan hama ho zerre de. Na bêtêdustiya! Qe yew waxtê tarîx de ûna yew neheqiye bêedaletiyê nêviniyaya. Edaleto ke kuweno erey edalet niyo, zilm o; edalet zalim nêben! Peniyê no zilm biyaniyen! Serbestiyê şaîrî bidiyê ci!
ANF/NAVENDÊ XEBERAN