Hiqûqa kolonyalîzmî ferz kenê
Pawitoxa Çomakî Several Ballikaya behsê îşkenceyê ke Çomakî rê amey ferzkerdişî kerd û persa ‘Zey dozger, mahkeme, polîs şima dê hona çi bikerê, no heyfgirotişê çiçîyo?’ kerd. Pawitox Firat Aydinkaya zî bi vatişanê “Raşt o heyetê şima de azayê esker çinîyo, la gumankarê derbe esto. Heyetê şima mahkemekerdişeke xoser nêkerd” hayr ant bêhiqûqîna tirk ser û rexneyanê xo ard zon. Pawitox Huseyîn Bogatekînî zî aşkere kerd ke heyetê mahkeme bêhet û xoser nîyo, bi şaîbe yo û da zonayen ke ê nêpawenê ke heyetê mahkeme qerarekê adîlane bido. Hemserokê Şûbeyê Komeleya Hiqûqnasê Azadîwaşt Shinan Zîncîr ke heqê qiseykerdişî waşt, la waştena ci amê redkerden. Ser nayî Zîncîrî bi vatişanê “Şima hiqûqa kolonyalîzmî ferz kenê. Nêşkenê dawa îdare bikerê, destê xo dawa ra biancê” nêrazîbîyenê xo ard zon.
Çomak: Mahkemekerdişeke bi adîlane nêbî
Ser persa vatişanê peynî yê heteyê mahkeme Çomakî va: “Bi sebebo ke mahkemekerdişê bi adîlane nêbi ez o beyanatî nêda.” Heyetê mahkeme heqê peynî nêda pawitoxan û mavên da roniştenî. Mavên ra dima heyetî qerarê xo aşkere kerd û ‘cezayê hepsê muebbet’ ke 2000î de amebi dayen, da Îlhan Çomakî. Pîyê Îlhan Çomakî Îbrahîm Çomakî bi vatenanê ‘Wa edaleta hinayî nêbo” nêrazîbîyayişê xo damûsna. Kesê ke ronişten taqîp kerdî zî bi çepikan qerarê heyetê mahkeme protesto kerdî.
DÎHA/STENBOL