Mehkemê Îstîklalî. Mehkemê Dewlete yê Tîvariye.
Mehkemeyî bi Selahiyetê Taybetî.
Mehkemê Terorî.
Pêro mehkemê dewleta tirk yê.
Nî mehkeman de hertim qerarê kistene, dardekerdene û qetilkerdena Kurdan amo guretene.
Nî mehkemeyî sîmbolê faşîzmê dewleta tirk yê. Aynî dem de no faşîzm bi îstîkrar o.
Ondêra demokrasiya ke vanê, nasivê ma nêbiya.
Tirkiye de ke demokrasiye biye, belka seweta Tirkan biye.
Nêwazen jede meselanê waxtê virenî sero vinderîne.
Hukumatê AKP OYM werte ra dard we, hurênda ey de TM na ro. Bi na mehkeme, gorê fikrê mi rewşa Kurdan hebena bena xiravin. Çike namê xo sero wo.
Ma zoneme ke siyasetvanê kurdî pêro bi îddîa terorî cerînê zerre û cezanê giranan cenê.
Na mehkeme de Kurdan ra qederî kes mehkeme nêbeno. No mehkeme seweta Kurdan ame ronayene. Naye ra ave nijadperestiye biye, nika endî apartheîd esta.
Naye ra avê OYM de jede nêbo zî keso bîn zî mehkeme biyenê, no dem endî vêrd ra. Dawanê KCK de vîneme, çi yeno Kurdan ser, bi sene îddîayan Kurdî mehkeme benê. Şiyayîs û numayîsê legal jê cirmê girşî yenê misnayene, Kurdî bi des serran ceza cenê.
OYM rexne biyenê, çike nî mehkeman de taye Tirk zî mehkeme biyenê.
Heto bîn ra mesela risfet dayene de kam ke cirm kerdo, savci nêşîkînê verva ey dawa rakerê, verecoy gune serokwezîr ra desture bijerê.
Na yena çi mane? Na yena o mane ke, AKP moredemanê xo seveknena. Ma, mesela MÎT de dî ke, Recep Tayyîp Erdogan mordemanê xo teslîmê savciyan nêkeno.
Onca, Kurdî ke kurdî anê kar verva ci dawa bena ra, hama verva AKPyizan dawa ranêbena.
AKP xorê TRT6 kerdo ra, hertim xo goynena, vana ‘ma Kurdan rê serbestiye arda’ na rîwasl ra ceza xo nêdana.
Hama belediya qeza Amed SUR tabela de ziwanê kurdî û ziwanê bînî nusno, na semed ra verva ci perskerdene dest kena ci.
Nî mehkemê neweyî, yanê TM, seweta Kurdan axu yê.
Kam se vano va vazo, meste nê bêro nî mehkemeyî teyna verva kurdan gureyenê.
TM=Terorê dewleta tirkî verva Kurdan