Îmam Huseyîn Jara Gola Çetu de yad bi

Goreyê rîwayetan verîya hezar û 377 serran Îmam Huseyîn û alwozanê ci Kerbela de amey kisten. Hometa alewî kî her serr asma Yas-i Matem de Îmam Huseyîn û alwozanê ci yad kenê. Roja 10. yê Yas-i Matem de cenîyê Dersimijî bi rayverîna Meclîsê Cenîyan yê Şaredarîya Dersim de şî Jara Gola Çetû û nîyazî kerdî vila. Cenîyan zîyaretê Jara Gola Çetu de mûm wekerdî, waştenê xo zerya xo de girotî û nîyazî kerdî vila. Peycoy Fîdan Ana seba kesê ke Kerbela de weşîya xo kerdî vindî lorikî vatî. 

‘Çok nêdanime ro’

Hemşaredara Dersim Nûrhayat Altûn merasîma vîrardenî de qisey kerd û hayr ant bîyayişê Kerbela û kistisê Hz. Huseyînî ser . Altûn aşkere kerd ke ser dejan ra seserre kî vîyere ra nîyene vîr ra kerden û va, ‘sebebê nayî kî dûştê zilmî de bîyayişê xoverdayişî yo.. Altûn vist vîrî ke “Roja ke Hz. Huseyîn şehîd kewt seba Elewîyanê Qizilbaşî muhîm a û nîya dewam kerd: “Îmam Huseyîn teslîm nêbi, vera veyşanî û teyşanî de çokî nêda ro. Ma kî rîwalo ke wayîrê na gelenegî vejîyenime vanime ma dê dûştê zilmî de çokan ro nêdê. Nayî ra ma dê dûştê nêheqîyan de milê xo çewt nîkerê û dûştê nêheqîyan de eve îtiqatê xo tekoşîn bikerime. Merasîma vîrarden qiseyan ra dima qerîya. 

DÎHA / DERSIM