Îmmanuel Wallersteîno ke dinya de sosyologanê tewr muhîman ra yew bi, wefat kerd. Wallersteîn 89 serrî bi û bi teorîyê analîzkerdişê sîstemanê dinya ameyêne şinasnayene. Wallersteînî cuya xo de xebatê sey Kapîtalîzmê Tarîxkî, Peynîya Dinyaya ke Ma Zanî, Peynîya Lîberalîzmî û sewbîna eserÊ muhîmî xo pey de verdayî.
Wallersteîn 28ê Êlula 1930î de New York de amebi dinya û Unîversîteya Colombîa de perwerdeyo berz dî. Badê ke Wallersteînî unîversîte qedêna, eynî unîversîte de dest bi doktora kerd. Wallersteînî heta 1970î tîya de dersî dayî û dima ra Unîversîteya Yale de profesorîye kerde. Wallersteînî tewr peynî Unîversîteya Bînghamtonî de wezîfe kerd û heta ke teqawit bi, tîya de mend.
Wallersteîn xeylê reyan seba Rayberê Şarê Kurdî Abdullah Ocalanî beşdarê çalakîyan bi û muhîmî da fikranê Ocalanî. Wallersteînî vilawekê ke seba azadîya Ocalanî ameyî parekerdene, îmze kerd.
AMED